1 SAMUELA 9:22 - Jinghpaw Common Language Bible 2009

²² Dai hpang, Samuela gaw Shawlu hte shi a shangun ma hpe gawk kaba de woi shang mat wa nhtawm manam masha sumshi hte shang dung lu ai shara hta nga ai saboi nhtung maga de na shara langai mi shan hpe jaw wu ai.

Jinghpaw Hanson Version Bible

²² Shaloi Samuela gaw Shawlu hte shi a ma hpe manam gawk de jashawn nna, shaga tawn ai masha ni hta reng grau ai shara e shadun wu ai: shaga tawn ai ni chyawm gaw marai sumshi daram rai ma ai.

1 SAMUELA 9:22 ပူးပေါင်းရင်းမြစ်များ

NINGPAWT NINGHPANG 43:32

Yosep a matu sha ku langai, shi a kahpu kanau ni a matu kaga shara mi di nna lajang ya ma ai. Dai yang e sha ai Egutu masha ni a matu mung kaga tawn ya mu ai. Dai gaw shanhte mahtang Hebre masha ni hte rau sha na matu arawng sum dum nga ai ngu, shanhte myit nawn la ai majaw rai nga ai.

LUKA 14:10

Shing rai na malai, masha e shaga yang, nem dik ai shara kaw sa dung u, shaloi nang hpe shaga ai wa sa nna, ‘Jinghku wa e, grau reng ai shara hta sa dung u,’ nga nna tsun na ra ai. Dai gaw, nang hte rau dung nga ai ni mahkra a man e, nang arawng lu na rin dai.

1 SAMUELA 9:21

Shawlu gaw, “Ngai gaw Israela hta kaji htum ai amyu bawsang rai nga ai Benyamin amyu bawsang na she rai nga nngai; nye a dinghku mung amyu bawsang hta ahkyak htum ai shara hta nga ai n rai nga ai. Dai rai yang, nang ngai hpe hpa majaw dai zawn nga tsun n ta?,” ngu nna htan wu ai.

1 SAMUELA 9:23

Samuela gaw shat shadu ai wa hpe, “Kaga san rai tawn da na matu nang hpe ngai tsun nna jaw da ai shan tawng la wa rit,” ngu nna tsun wu ai.