1 SAMUELA 8:4 - Jinghpaw Common Language Bible 2009

⁴ Dai hpang, Israela ningbaw ni yawng jawm hkrum zup nhtawm Rama e nga ai Samuela hpang de sa nna,

Jinghpaw Hanson Version Bible

⁴ Dai re ai majaw Israela agyi salang ni yawng zuphpawng nna, Samuela hpang de Rama de sa nhtawm,

1 SAMUELA 8:4 ပူးပေါင်းရင်းမြစ်များ

2 SAMUELA 3:17

Abna gaw Israela ningbaw ni kaw sa nna shanhte hpe, “Nanhte gaw aten na na kaw nna pyi Dawi hpe nanhte a hkawhkam shatai mayu myit dai re.

2 SAMUELA 5:3

Dai rai nna Israela ningbaw ni yawng gaw Hebron mare e nga ai Hkawhkam Dawi hpang de du sa ma ai. Shi mung shanhte hte chyoi pra ga shaka galaw nna jinghku hku tawn wu ai; shanhte gaw shi hpe namman jaw ya nhtawm shi mung Israela a hkawhkam tai wa nu ai.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

1 SAMUELA 11:3

Yabesha ningbaw ni gaw, “Dai rai taw gaw, Israela mungdan ting de kasa ni hpe dat dat lu hkra nhtoi sanit ya, anhte hpe naw jaw mi. Shaloi anhte hpe karum la na masha kadai mung n nga sayang chyawm gaw nang kaw anhte asum hkam na saga ai,” ngu nna tsun ma ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.

1 SAMUELA 8:10

Samuela gaw hkawhkam langai hpyi nga ai amyu masha ni hpe dai Madu shi hpe tsun dan nu ai lam magup tsun dan wu ai.