1 SAMUELA 8:20 - Jinghpaw Common Language Bible 2009

²⁰ anhte hpe up hkang na mung, majan hta anhte hpe woi awn na mung, anhte hpe majan woi gasat na anhte a hkawhkam hte nan rau rai nga ga yang gaw kaga masha amyu baw ni hte zawn anhte bung wa na ga ai,” ngu nna tsun ma ai.

Jinghpaw Hanson Version Bible

²⁰ anhte hpe tara dara ya na hte, majan shani e anhte hpe woi awn nna gasat lu na matu, anhte a ntsa e up na hkawhkam anhte ra ga ai,” nga ma ai.

1 SAMUELA 8:20 ပူးပေါင်းရင်းမြစ်များ

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

BU HKAWM 23:9

Tsaw ai lunghkrung ni kaw na ngai shanhte hpe mu nngai; Ngai gaw shanhte hpe kawng ni kaw na mada lu nngai; Shanhte gaw alak mi re ai amyu baw langai mi rai nga ai; Shanhte gaw kaga amyu baw ni hta shaman chyeju grau nna lu la nga ma ai hpe shanhte chye ma ai.

YAWHAN 15:19

Nanhte ndai mungkan hte seng ai ni rai myit yang gaw, mungkan masha ni gaw tinang a bawsang ni hpe zawn nanhte hpe tsaw ra na myit dai. Rai ti mung ngai gaw nanhte hpe ndai mungkan ga na lata la made ai, nanhte gaw ndai mungkan ga hte n seng myit dai; dai majaw mungkan masha ni nanhte hpe n ju n dawng ma ai.

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

HPILIPI 3:20

Anhte chyawm gaw sumsing lamu mung chying sha ni rai nga ga ai rai nna sumsing lamu kaw nna anhte a Hkye Hkrang la ai Madu Hkristu Yesu du sa wa na hpe ala nga ga ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 SAMUELA 12:12

Rai ti mung nanhte hpe htim gasat hkyen nga ai Amon Hkawhkam Nahasha hpe nanhte mu myit dai shaloi, nanhte a hkawhkam rai nga ai dai Madu hpe ningdang kau nhtawm ngai hpe mahtang, ‘Anhte hpe up hkang na hkawhkam langai ra ga ai,’ nga nna tsun myit dai.

1 SAMUELA 12:2

ya chyawm gaw nanhte hpe woi awn na matu shi hpe lu la manit dai. Ngai chyawm gaw asak kaba nna baw hpraw ni ai; nye a kasha ni mung nanhte hte rau rai ma ai. Nye a ram prat kaw nna ya du hkra ngai nanhte a ningbaw tai ya nga nngai.

1 SAMUELA 8:5

shi hpe, “Yu u, nang dingla wa nga ndai; na a kasha yan mung na a kasi n hkan nga ma ai. Dai rai nna, kaga mungdan ni lu ai zawn anhte hpe up hkang na hkawhkam langai mi ra ga ai majaw hkawhkam san da ya mi,” ngu nna tsun ma ai.