1 SAMUELA 8:19 - Jinghpaw Common Language Bible 2009

¹⁹ Amyu masha ni chyawm gaw Samuela a ga hpe hpa zawn n nawn ya ai sha, “N rai law! Anhte hkawhkam langai ra ga ai;

Jinghpaw Hanson Version Bible

¹⁹ Mung masha ni chyawm gaw Samuela ga n madat ai sha, “N rai law, anhte masha amyu nlang hte bung hkra,

1 SAMUELA 8:19 ပူးပေါင်းရင်းမြစ်များ

2 HKAWHKAM 21:9

Rai ti mung Yuda amyu masha ni dai Madu a ga hpe n madat nga ma ai rai nna shi a amyu masha ni rawt lung wa yang, dai Madu gaw shanhte a mung kaw nna gawt shapraw kau dat ai masha amyu baw ni shut hpyit kau ai yubak ni hta grau kaba ai yubak hpe shut hpyit na matu Manashe gaw shanhte hpe lam woi shadam kau mu ai.

SHAKAWN KUNGDAWN 81:11

“Rai ti mung, nye a amyu masha ni ngai hpe madat na ma ai n rai; Israela amyu masha ni ngai hpe madat mara nga ma ai n rai.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

ESAIA 66:4

Dai rai nna, Ngai shaga yang kadai n htan, ngai ga shaga yang kadai n madat nga masai majaw, shanhte grai hkrit tsang nga ai tsin-yam tsindam ngai shanhte a ntsa de shapraw dat na nngai. Shanhte gaw nye a ga n madat na hte n hkru ai amu galaw na matu lata la manu ai.”

YEREMIA 44:16

“Dai Madu a amying hta nang anhte hpe tsun nit dai lam hpe anhte n madat na ga ai.

YEREMIA 7:13

Nang gaw ndai yubak mara ni yawng hpe shut hpyit kau nit dai; ngai nang hpe lang hte lang tsun shadum yu ti mung, nang n madat ndai. Ngai nang hpe shaga yang, nang n htan ndai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

TARA JAHPRANG 17:14

“Dai Madu nanhte a Karai Kasang nanhte hpe jaw na mungdan hpe nanhte madu la nna dai yang e shanu nga myit dai shaloi nanhte a grup yin na amyu baw ni yawng zawn nanhte hta hkawhkam ra nga myit dai hpe daw dan na rai myit dai.

1 SAMUELA 12:12

Rai ti mung nanhte hpe htim gasat hkyen nga ai Amon Hkawhkam Nahasha hpe nanhte mu myit dai shaloi, nanhte a hkawhkam rai nga ai dai Madu hpe ningdang kau nhtawm ngai hpe mahtang, ‘Anhte hpe up hkang na hkawhkam langai ra ga ai,’ nga nna tsun myit dai.