1 SAMUELA 8:18 - Jinghpaw Common Language Bible 2009

¹⁸ Dai aten du jang nanhte nan lata la manit dai dai nanhte a hkawhkam wa a majaw ahkup ahka nga mat hkra nanhte aput angun na marin dai, rai ti mung dai Madu gaw nanhte a aput angun ai lam ni hpe madat ya na wu ai n rai,” ngu nna tsun shaleng dan wu ai.

Jinghpaw Hanson Version Bible

¹⁸ Nanhte hpyi la ai hkawhkam a majaw, dai shani e nanhte jahtau hkrap timung, Yehowa nanhte hpe madat sana n rai,” ngu nna shadum wu ai.

1 SAMUELA 8:18 ပူးပေါင်းရင်းမြစ်များ

2 HKAWHKAM LABAU 10:11

Shanhte hpe, ‘Nye wa gaw nanhte a ntsa e li ai lit ni hpe mara da ya manit dai; ngai chyawm gaw nanhte hpe grau lit li hkra naw jat ya na made ai. Shi gaw nanhte hpe lasik sumri hte kayat ai; ngai mahtang nanhte hpe hpri ju kap ai sumri hte anu kayat na made ai!,’” ngu nna tsun htang wu ai.

YOBA 27:8

Karai Kasang gaw karai kata masha ni a asak hpe hpyi la ai ahkying hta shanhte a matu hpa baw myit mada shara naw nga nga a ta?

YOBA 27:9

Tsin-yam tsindam du ai shaloi, shanhte a hpyi jahtau ai nsen hpe Karai Kasang na ya na wu ni?

SHAKAWN KUNGDAWN 18:41

Karum la na matu, shanhte jahtau ma ti mung, shanhte hpe kadai mung n hkye la nga ai; shanhte gaw Madu hpe shaga ti mung, shi htan ya nga ai n rai.

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 59:1

Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

1 SAMUELA 8:17

Shi gaw nanhte a yam nga hpung ni hta na htam shi hta na htam mi la na ra ai; nanhte nan mung shi a mayam ni tai na marin dai.