1 SAMUELA 8:12 - Jinghpaw Common Language Bible 2009

¹² Shi gaw shanhte hta na nkau mi hpe masha hkying mi up na du salang ni, masha manga shi up na du salang ni, shatai na rai wu ai. Nanhte a shadang sha nkau mi gaw shi a yi hkauna galau, shi a nai mam nsi naisi shu na hte shi a gumra leng ni a matu hkinghku shachyaw ai hte hpyen laknak ni hpe galaw shangun na rai wu ai.

Jinghpaw Hanson Version Bible

¹² bai, shi a hpyen du shatai na, masha hkying mi up na, manga shi up na matu, aya tawn da na mu ai, manga shi up na matu, aya tawn da na mu ai; bai, nkaw mi hpe, shi a yi hkauna galaw, shi a mam dan shu na hte, shi a hpyen ri nhtu, shi a hpyen leng tup shachyaw amu hta hpajang tawn na ru ai.

1 SAMUELA 8:12 ပူးပေါင်းရင်းမြစ်များ

1 HKAWHKAM 4:7

Shawlumon gaw Israela mung e ginwang mung du marai shi lahkawng hpe san tawn da wu ai. Shanhte gaw hkawhkam wa hte hkaw wang na nta masha ni a matu, shanhte a ginwang ni kaw na lusha shahpa karum ya mu ai. Shanhte gaw laning mi hta shata mi marai langai ngai lit la ya nga ma ai.

BU HKAWM 31:14

Mawshe chyawm gaw majan pa kaw na nhtang wa ai du salang ni, dap up hkang du ni hte dap ran up hkang du ni hpe hkap pawt wu ai.

1 SAMUELA 22:7

dai rai nna, shi gaw shi a du salang ni hpe, “Benyamin masha ni e, madat mu! Dawi gaw nanhte yawng hpe yi sun hkauna hte sabyi sun ni jaw ya lu na re ngu, myit nawn da mu ni? Shi a hpyen dap hta du aya jaw lu na zawn nawn da mu ni?

1 SAMUELA 8:13

Nanhte a shayi sha ni hpe chyawm gaw shi a matu manam pyaw ai baw lajang shangun na rai wu ai; bai shat shadu ai ni, muk kabaw ai ni shatai na ra ai.