1 SAMUELA 8:11 - Jinghpaw Common Language Bible 2009

¹¹ Samuela gaw, “Ndai gaw nanhte a hkawhkam wa nanhte hpe kaning rai galaw na sat rai nga ai. Shi gaw nanhte a shadang sha ni hpe hpyenla galaw shangun na ra ai; shanhte hta na nkau mi gaw shi a hpyen leng ni hta shang galaw nhtawm, kaga ni gaw gumra dap hta shang na rai ma ai; kaga ni mung gumra leng ni a shawng e kagat na rai ma ai.

Jinghpaw Hanson Version Bible

¹¹ Shi gaw, “Nanhte a ntsa e up na Hkawhkam wa htung hking gaw ndai rai na ra ai: shi nanhte a shadang sha ni hpe shaga la nna, shi a leng ni, shi a gumra ni hta jawn ai amu madun tawn nhtawm, shi a leng ni a shawng de shanhte gat lu na rai mu ai;

1 SAMUELA 8:11 ပူးပေါင်းရင်းမြစ်များ

2 SAMUELA 15:1

Dai hpang Absalom gaw shi a matu leng langai hte gumra ni hpe lajang tawn nhtawm shi a shawng e gat na masha marai manga shi san tawn da wu ai.

1 HKAWHKAM 1:5

Ya Absalom si mat jang, Dawi hte Hagit yan a kasha Adoniya gaw naw hkrung nga ai shadang sha kaba rai nga ai. Shi gaw nachying ahpraw asam tsawm ai wa rai nga ai. Hkawhkam tai wa na matu shi myit makun da nga ai lam hte seng nna, Dawi shi hpe galoi mung n daru kau yu wu ai. Shi gaw shi a matu hpyen leng ni mung, gumra ni mung, asak sin na matu masha manga shi hpe mung san tawn da wu ai.

1 HKAWHKAM 10:26

Shawlumon gaw gumra leng hkying mi mali tsa hte gumra dap na gumra mun mi hkying lahkawng rawng ai n-gun hpe gaw sharawt da wu ai. Dai hta na nkau mi hpe Yerusalem mare hta mung, ngam ai ni hpe kaga mare ni hkan bau rem tawn da nga ai.

1 HKAWHKAM 12:10

Shaloi shanhte gaw, “Nang shanhte hpe ndai hku tsun na rai ndai: ‘Nye a yunghkyi gaw nye wa a nshang hta grau htat nga li ai!’

1 HKAWHKAM 12:4

shi hpe, “Na a nwa Shawlumon gaw anhte hpe laja lana di nna anhte a ntsa e li ai lit mara da ya mi ai. Nang rai nna dai lit ni hpe shatsang kau ya nhtawm anhte a matu hkyamsa shangun lu ai rai yang, anhte gaw na a npu e sadi sahka hte taw nga na ga ai,” ngu nna tsun ma ai.

1 HKAWHKAM 14:27

Dai ni a malai Hkawhkam Rehoboam gaw magri mang ninggang ni hpe galaw nhtawm hkawhkam htingnu chyinghka ni hpe sin na lit lu ai du salang ni a lata de ap ya wu ai.

1 HKAWHKAM 18:46

Dai Madu a daru magam n-gun gaw Elia kaw du sa nga ai rai nna shi a hpun palawng ni hpe nshang hta ngang ngang kyit let Ahab a shawng e Yezrela mare lam de gat du wa wu ai.

1 SAMUELA 10:25

Samuela gaw hkawhkam wa a ahkaw ahkang hte shi galaw na lit ni a lam amyu masha ni hpe tsun shaleng dan wu ai; Shing rai dai ni hpe laika langai mi hta ka nhtawm chyoi pra ai shara hta shi tawn da wu ai. Dai hpang masha shagu hte hpe nta de wa kau shangun wu ai.

1 SAMUELA 14:52

Shawlu hkrung nga dingsa, shi gaw Hpilisti masha ni hpe majan aja awa gasat ra wu ai rai nna, n-gun ja nna magrau grang ai masha mu shagu, shi a hpyen luksuk jahpan hta mying bang la la rai wu ai.

1 SAMUELA 22:7

dai rai nna, shi gaw shi a du salang ni hpe, “Benyamin masha ni e, madat mu! Dawi gaw nanhte yawng hpe yi sun hkauna hte sabyi sun ni jaw ya lu na re ngu, myit nawn da mu ni? Shi a hpyen dap hta du aya jaw lu na zawn nawn da mu ni?

1 SAMUELA 8:9

Dai rai nna, shanhte a ga hpe madat ya u, rai ti mung shanhte a hkawhkam ni shanhte hpe kaning di wa na lam hpe chyawm gaw atsawm sha sang lang dan nna shanhte hpe ja ja sadi jaw u,” ngu nna tsun wu ai.