1 SAMUELA 7:8 - Jinghpaw Common Language Bible 2009

⁸ Samuela hpe, “Hpilisti masha ni a lata kaw na anhte hpe hkye la na matu dai Madu anhte a Karai Kasang kaw tut e akyu hpyi ya nga mi law,” ngu nna tsun ma ai.

Jinghpaw Hanson Version Bible

⁸ Dai rai nna Israela kashu kasha ni gaw Samuela hpe, “Anhte a Karai Kasang Yehowa, Hpilisti masha ni a lata na anhte hpe hkye la mi ga, anhte a matu akyu ahpyi ya nga mi,” nga ma ai.

1 SAMUELA 7:8 ပူးပေါင်းရင်းမြစ်များ

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

YEREMIA 27:18

Shanhte gaw teng teng myihtoi ni hte nye a mungga lu la ai ni rai yang gaw, Nawku Htingnu hte hkawhkam htingnu ni hta naw ngam nga ai sut gan ni hpe Babelon mung de n la wa lu na lam, Chyahtum Chyalai N-gun Rawng ai dai Madu ngai hpe shanhte hpyi nem mu ga,” ngu nna tsun ni ai.

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.