1 SAMUELA 7:3 - Jinghpaw Common Language Bible 2009

³ Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.

Jinghpaw Hanson Version Bible

³ Shaloi Samuela gaw Israela amyu ting hpe, “Nanhte myit masin mahkra hte Yehowa hpang de kayin wa marin dai rai yang gaw, nanhte jau tawn ai maigan Hpara hte Ashtarot ni hpe kau tawn da nhtawm, Yehowa hpe myit manoi nna shi hpe chyu sha jaw jau mu: shaloi, Hpilisti masha ni a lata na shi nanhte hpe hkye la na ra ai,” ngu wu ai.

1 SAMUELA 7:3 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

1 HKAWHKAM 11:33

Shawlumon gaw ngai hpe ningdang kau nna maigan karai ni rai nga ai Sidon karai num Astarte hpe mung, Moba karai Hkemosha hpe mung, Amon karai Molek hpe mung nawku wu ai majaw, ndai amu hpe ngai galaw na we ai. Shawlumon gaw shi a kawa Dawi galaw ai zawn nye a ga hpe n madat n mara ai hte shut hpyit ai amu galaw nhtawm nye a Tara ni hte hkang da ai ga ni hpe n hkan shatup nga nu ai.

1 HKAWHKAM 8:48

Dai mungdan e shanhte teng teng myit masin kraw lawang asan sha hte myit malai lu wa nhtawm anhte a kaji kawa ni hpe jaw da sai ndai mungdan de myi man yawng let nang e lata san da sai ndai mare hte na a matu ngu nna ngai gap da ya se ai ndai Nawku Htingnu de nang hpe akyu hpyi mu ai shaloi,

2 HKAWHKAM 17:39

Dai Madu nanhte a Karai Kasang rai nga ai nye a ga hpe nanhte madat mara na rai myit dai. Nanhte a gumlau hpyen ni a lata kaw nna nanhte hpe ngai hkye mawai la na made ai.”

2 HKAWHKAM 23:15

Yoshia gaw Israela amyu masha ni hpe yubak lam de woi sa wa ai Nebat a kasha Hkawhkam Yeroboam gaw Behtela shara e galaw da ai nawku shara hpe mung run hpya kau wu ai; shi gaw tawn hkungri ni hpe gang daw kau nna de a nlung ni hpe ayun ayaw di agrawp kau let ga nhpu tai mat hkra mani kau wu ai. Ashera a sumla hpe mung nat kau wu ai.

1 HKAWHKAM LABAU 22:19

Ya chyawm gaw dai Madu na a Karai Kasang hpe na a myit kraw lawang mahkra hte na a myit masin mahkra hte ya daw jau nga u. Nawku Htingnu hpe gaw gap hpang wa sanu; shaloi dai shara hta dai Madu a Ga Shaka Sumpu hte shi hpe nawku yang lang ai kaga chyoi pra ai arung arai ni hpe tawn da lu u ga,” ngu nna tsun wu ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 19:3

Timung nang hta mai kaja lam naw nga nga lit dai. Amyu masha ni nawku ai Ashera karai num a hkrang sumla ni yawng hpe nang yeng seng kau nna, Karai Kasang a myit ra sharawng ai lam hta hkan nang na, nang shakut nit dai,” ngu nna tsun wu ai.

2 HKAWHKAM LABAU 20:33

shi galaw nga ti mung, tara maigan masha ni a nawku shara ni hpe n jahten sharun kau ya nga ai. Dai rai nna amyu masha ni shanhte a kaji kawa ni a Karai Kasang hpe nawku na matu myit masin mahkra hte garai n kayin wa ma ai.

2 HKAWHKAM LABAU 30:19

“O Madu, anhte a kaji kawa ni a Karai Kasang e, htung hte maren shanhte n san n seng shajang nga ma ti mung, myit masin mahkra hte nang hpe nawku nga ai ni a mara hpe na a mai kaja ai myit hte mara dat ya u law.”

GA SHAGAWP 16:1

Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 24:7

Ngai gaw dai Madu rai nga nngai hpe chye na matu, chye mayu ai myit shanhte hpe ngai jaw na nngai. Shaloi, shanhte gaw myit masin mahkra hte ngai hpang de kayin wa na mara ai majaw, shanhte gaw nye a amyu masha ni tai nna, ngai mung shanhte a Karai Kasang tai na nngai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

YEREMIA 4:1

Dai Madu gaw, “Israela amyu masha ni e, nang kayin wa mayu ai rai yang, ngai hpang de kayin wa marit. Nang ngai hta sadi dung ai rai yang ngai n dawng ai hpara sumla ni hpe htawt kau u,

EZEKELA 14:6

“Dai re ai majaw, Tsaw Htum ai dai Madu ngai nan shanhte hte seng nna tsun ai ga, Israela amyu masha ni hpe htawn tsun u: Kayin wa marit, nanhte a matsat shabat re ai hpara sumla ni hpe kau da mu.

EZEKELA 18:31

Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MAHTE 6:24

“Kadai rai ti mung, madu lahkawng a nchyang n tai lu ai; shi gaw langai mi hpe n dawng nna langai wa hpe tsaw ra na wu ai; langai mi hta sadi dung nna, kaga hpe n kaw n law di na wu ai. Nanhte Karai Kasang hpe mung, mungkan ga a sutgan hpe mung rau chyang lu na myit dai n rai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

YAWHAN 4:24

Karai Kasang gaw Wenyi rai nga ai rai nna, shi hpe nawku ai ni mung, Madu a Wenyi n-gun atsam hte teng man ai hku nawku lu na rai ma ai,” ngu nna shi hpe tsun wu ai.

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 13:4

Dai Madu a hpang hkan nang let shi hpe shagrau sha-a mu; shi a hkang da ai ga hpe madat mara hkan sa nhtawm dai ni hpe shadik shatup nga mu; shi hpe nawku ai hte shi hta sadi dung nga mu.

TARA JAHPRANG 4:29

“Nanhte gaw dai hkan e dai Madu nanhte a Karai Kasang hpe marit let myit mada nna, nanhte a myit masin kraw lawang mahkra hte shi hpe hkan tam myit yang chyawm gaw mu lu na marin dai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

YAWSHU 13:31

Dai gaw Gilead mungdaw ka-ang hkup hte Bashan mung Hkawhkam Oga a mungdan mare daju rai nga ai Ashtarot hte Edri mare ni lawm nga ai. Ndai ni yawng Manashe a kasha Mahkira a kashu kasha ka-ang hkup hpe jaw ya nga ai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

YAWSHU 24:23

Shi gaw, “Dai rai yang gaw nanhte hta nga ai maigan hpara ni hpe tsan kau nhtawm, dai Madu Israela a Karai Kasang hta sadi dung nga na ga sadi jaw mu,” ngu nna tsun wu ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.

TARA AGYI 2:11

Dai hpang Israela amyu masha ni gaw dai Madu hpe yubak galaw shut kau nhtawm Bala hpara ni hpe daw jau hpang wa manu ai.

TARA AGYI 2:13

Shanhte gaw dai Madu hpe nawku daw jau ai amu jahkring kau nhtawm Bala hpara hte Ashtarot hpe daw jau ma ai.

1 SAMUELA 31:10

Dai hpang, shi a laknak ni hpe karai num Astarte a htingnu kata hta tawn da nhtawm shi a moi mang hpe gaw Bet Shan mare bunghku hta dit jung da ma ai.