1 SAMUELA 7:17 - Jinghpaw Common Language Bible 2009

¹⁷ Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.

Jinghpaw Hanson Version Bible

¹⁷ Bai wa yang, Rama de wa du du re ai; dai yang e shi a nta rai nga sai: dai kaw mung Israela masha ni hpe tara dara ya let, Yehowa matu tawn hkungri gaw da nna nga nga ai.

1 SAMUELA 7:17 ပူးပေါင်းရင်းမြစ်များ

NINGPAWT NINGHPANG 33:20

Dai yang e, tawn hkungri langai mi shi galaw tawn da nhtawm dai hpe Ela, Israela a Karai Kasang ngu nna shamying wu ai.

NINGPAWT NINGHPANG 35:7

Dai yang e, tawn hkungri langai hpe shi galaw wu ai. Dai shara hpe Behtela shara na Karai Kasang a matu ngu nna shamying wu ai; hpa majaw nga yang, kahpu a lata kaw na shi hprawng mat wa yang, dai shara e Karai Kasang shi nan Yaku hpe shadan dan ai shara rai nga lu ai.

ESAIA 10:29

Shanhte gaw bum lam hku ga lai wa nna, Geba mare e lana mi nga shalai kau ma hka! Rama mare hta nga ai masha ni gaw hkrit kajawng nga ma ai, Hkawhkam Shawlu a daidaw buga Gibea e nga ai masha ni mung hprawng mat nga masai.

TARA AGYI 4:5

Shi gaw Ehprim bum ga Rama hte Behtela lapran na namhtan hpun nhpang e dung chye chye rai nga ai. Israela amyu masha ni mung shi a daw dan hparan ai amu ni hpe hkam la na nga, dai de sa wa wa rai ma ai.

TARA AGYI 6:24

Gidon gaw dai yang e dai Madu a matu tawn hkungri galaw nhtawm dai hpe “Dai Madu gaw ngwi pyaw sim sa nga ai.” ngu nna shamying wu ai. (Dai gaw dai ni du hkra Abieza a lakung lama ni a sali ga Ohpra shara e naw nga nga ai.)

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

1 SAMUELA 11:15

Dai rai nna, shanhte yawng mung Gilgala de wa nna dai yang na chyoi pra ai shara hta Shawlu hkawhkam rai nga ai lam shanhte tsun shana ma ai. Shanhte mung mahku hkungga nawng ya mu ai hte Israela amyu masha ni yawng mung poi galaw ma ai.

1 SAMUELA 14:35

Shawlu mung dai Madu a matu tawn hkungri langai galaw wu ai; dai gaw shi galaw ai shawng nnan na tawn hkungri rai nga ai.

1 SAMUELA 15:34

Dai hpang, Samuela gaw Rama de wa nna, Shawlu mung Gibea na shi a dum nta de wa mat wa wu ai.

1 SAMUELA 2:11

Dai hpang, Elakana gaw Rama shara e nga ai shi a nta de nhtang mat wa ti mung, ma Samuela chyawm gaw Shilo mare e nga let, hkinjawng Eli a npu hta nga nhtawm dai Madu hpe daw jau nga ai.

1 SAMUELA 28:3

Samuela si mat sai rai nna, Israela amyu masha ni yawng shi a majaw sharung shayawt nga ma ai; shi nga ai Rama mare hta nan shi hpe makoi mayang da ma ai. Shawlu gaw gumhpan chye hpan ai ni hte nat num ni yawng hpe Israela mung kaw nna seng kau dat wu ai.

1 SAMUELA 8:4

Dai hpang, Israela ningbaw ni yawng jawm hkrum zup nhtawm Rama e nga ai Samuela hpang de sa nna,

1 SAMUELA 9:12

Dai numsha ni chyawm gaw, “Rai sa, shi nga nga ai,” ngu nna htan ma ai. Kaja wa shi gaw nan a shawng e sha rai nga ai; nan tin tin rai lu myit yang gaw shi hpe hkan dep lu na myit dai. Nan dai mare de du shang wa ai hte shi hpe mu na marin dai. Amyu masha ni kawng ntsa na tawn hkungri hta shagu hkungga nawng ya ma ai majaw shi gaw dai shara de dai ni du lung wa na ra ai. Shi gaw dai shagu hkungga hpe shi shawng shaman ya na wu ai majaw dai yang e shi du sa ai aten du hkra shaga da hkrum ai amyu masha ni sha hpang wa lu na ma ai n rai. Nan ya jang sa mat wa myit, dai rai yang chyawm gaw sha na matu kawng de shi garai n lung wa yang shi hpe sa hkrum na myit dai,” ngu nna htan dat ma ai.