1 SAMUELA 7:10 - Jinghpaw Common Language Bible 2009

¹⁰ Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.

Jinghpaw Hanson Version Bible

¹⁰ Samuela dai wan nat hkungga nawng nga yang, Hpilisti masha ni Israela hpe gasat na, sit sa ma ai; Yehowa chyawm gaw dai shani e Hpilisti masha ni a ntsa e mu adu shangoi dat nna, shanhte hpe jahkrit shama kau mu ai: shing rai Israela masha ni a man e sum mat ma ai,

1 SAMUELA 7:10 ပူးပေါင်းရင်းမြစ်များ

SHAKAWN KUNGDAWN 18:15

Madu e, nang gaw na a gumlau hpyen ni hpe daru kau let, masin kahtet ai hte shanhte hpe marawn shabam dat yang, panglai htumpa a htingnyep ni dawng pru wa nna, lamu ga a npawt nhpang ni hpaw malang wa nga ai.

SHAKAWN KUNGDAWN 29:3

Dai Madu a nsen hpe, panglai hka ni a ntsa e, na lu nga ai; hpung shingkang dan hkung ai Karai Kasang a nsen gaw mu zawn ngoi nga ai, shi a nsen gaw nammukdara a ntsa e hpung tang kashaw nga ai.

SHAKAWN KUNGDAWN 29:4

Dai Madu a nsen hpe shi a n-gun kaba hte galu kaba ai lam yawng hta na lu nga ai.

SHAKAWN KUNGDAWN 78:66

Shi a gumlau hpyen ni hpe kanut wa shangun nna; prat dingsa kaya kahpa jahkrum da nga wu ai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

TARA JAHPRANG 28:7

“Nanhte hpe gumlau hpyen ni htim gasat myit dai shaloi, dai Madu gaw shanhte hpe dang kau na ra ai. Shanhte gaw nanhte hpe lam maga mi kaw nna shang gasat lu ti mung, lam sanit hku hprawng htaw mat wa na mara ai.

YAWSHU 10:10

Dai Madu mung Amori masha ni hpe dai Israela hpyen luksuk ni a man e kajawng kaja byin shangun nhtawm Israela amyu masha ni mung shanhte hpe Gibeon e sat kau ma ai; shanhte gaw Bet Horon de lung wa ai uhkan hku hkan nna Azeka hte Makeda du hkra shachyut gasat kau ma ai.

TARA AGYI 4:15

Barak gaw shi a hpyen luksuk ni hte htim gasat wu yang, dai Madu mung Sisera hte shi a hpyen leng ni hte masha ni yawng hpe kashuk kashak, shengmawng shenghkang hte shamak kau ya wu ai majaw Sisera mahtang shi a leng kaw nna yu nhtawm lagaw hte hprawng mat wa wu ai.

TARA AGYI 5:20

Sumsing lamu na shagan ni mung shanhte a lam hku hkawm lai nhtawm, Sisera hpe gasat ma ai.

TARA AGYI 5:8

Israela masha ni hpara nnan lata la ma ai shaloi, mungdan kata majan pru nga ai; Israela mun mali hta ninggang langai hpai lu a ni? Nri langai hpai lu a ni?

1 SAMUELA 12:17

Ndai aten gaw hkun hkraw ai aten rai nga ai, n rai ni? Rai ti mung dai Madu gaw mu shangoi dat nna marang jahtu dat u ga, ngu nna ngai hpyi dat na nngai. Dai lam byin wa ai shaloi, nanhte shi kaw hkawhkam hpyi ai shaloi, dai Madu hpe nanhte yubak kaba galaw shut kau sai lam rai nga sai hpe nanhte dum chye wa na myit dai.”

1 SAMUELA 14:15

Bum ga hkan nga ai Hpilisti masha ni yawng mung hkrit kajawng mat ma ai; dap e nga ai shang gasat na hpyenla ni mung hkrit gari mat ma ai; ginding aga she ashun rai grai hkrit kajawng nga ma ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”

1 SAMUELA 7:11

Israela masha ni mung Mizpa shara kaw na pru nna Bethkara mare ganoi du mat wa hkra Hpilisti masha ni hpe hkan shachyut let shanhte hpe lam dingyang hkan sat kau ma ai.