1 SAMUELA 6:7 - Jinghpaw Common Language Bible 2009

⁷ Dai rai nna leng langai hkyen lajang nhtawm galoi mung lit n gun yu ai dumsu kanu lahkawng hpe leng hta shakap mu; shan a dumsu kasha yan hpe chyawm gaw ulawng de gawt nhtang bang kau mu.

Jinghpaw Hanson Version Bible

⁷ Ya rai timung law ningnan shachyaw nna, gan garai n shagun yu ai hte kasha woi ai dumsu kanu lahkawng hpe law shagun nna dumsu kasha hpe de a ulawng e dun kau mu:

1 SAMUELA 6:7 ပူးပေါင်းရင်းမြစ်များ

2 SAMUELA 6:3

Shanhte gaw kawng ntsa na Abinadab a nta hta tawn da ai Ga Shaka Sumpu hpe la nna leng nnan ntsa e mara tawn da ma ai. Abinadab a kasha Uza hte Ahio yan gaw dai leng gau ma ai.

1 HKAWHKAM LABAU 13:7

Abinadab a nta hta tawn da ai Ga Shaka Sumpu hpe shanhte la shapraw nhtawm, leng nnan langai a ntsa e dai hpe tawn ma ai. Uza hte Ahio yan gaw dai leng hpe gau ma yang,

BU HKAWM 19:2

hkan sa na tara ni hpe tsun matsun na matu hkang da wu ai. Loi mi mung ra n rawng ai hte lit garai n gun yu ai dumsu upra ahkyeng langai Mawshe yan Arun hpang de la sa nhtawm,

TARA JAHPRANG 21:3

Dai hpang si mang taw ai shara hte ni htum ai mare ningbaw ni mahtang bungli garai n shangun yu ai dumsu upra langai hpe lata san da na rai ma ai.

TARA JAHPRANG 21:4

Shanhte gaw dai hpe nli galoi mung n gat hkai yu ai shara hte hka shi alwi nga ai shara makau de dun sa wa nhtawm dai yang e du abyen daw ya na rai ma ai.