1 SAMUELA 6:5 - Jinghpaw Common Language Bible 2009

⁵ Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!

Jinghpaw Hanson Version Bible

⁵ Dai re ai majaw, nanhte hta na mu shakrwi sumla hte, ga jahten chye ai yu li sumla, nanhte galaw lu na rai nna, Israela Karai Kasang a arawng shagrau ya na rai myit dai: shaloi shi a lata nanhte hte nanhte a Hpara ni ntsa na mung, nanhte a lamu ga hta n mung, dawm la na ra ai nhten.

1 SAMUELA 6:5 ပူးပေါင်းရင်းမြစ်များ

1 HKAWHKAM LABAU 16:28

Ginding aga ntsa na masha yawng hte e, dai Madu hpe shakawn mu; shi a hpung shingkang hte n-gun atsam hpe shakawn mu.

1 HKAWHKAM LABAU 16:29

Dai Madu a hpung shingkang hte seng ai mying ningsang hpe shakawn mu; hkungga lara let shi a Nawku Htingnu kata de shang sa mu. Shi dan pru ai shaloi, Chyoi Pra Ai Wa a man e, gum dagup nga mu.

SHAKAWN KUNGDAWN 18:44

Maigan masha ni nye a man e, dingnyawm nga ma ai; ngai tsun ai ga hpe na ma yang shanhte madat mara ma ai.

SHAKAWN KUNGDAWN 32:4

Madu e, nang ngai hpe shani shana ari jaw nit dai; ginhtawng ta na kang kahtet ai a majaw, madi manyap shara ni hkun hkraw mat wa ai zawn, nye a n-gun atsam mung tsep kawp htum mat nga sali ai.

SHAKAWN KUNGDAWN 39:10

Ngai hpe ari hkum jaw sa! Nang adup ai a jaw e, ngai si wa magang nga nngai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

PRU MAT 8:17

Dai rai nna Arun gaw shi a dawhkrawng hte aga kayat dat wu yang, Egutu mung na ga nhpu ni yawng janghkam tai wa nhtawm masha hte yam nga ni hta ginjup kap nga ma ai.

PRU MAT 8:24

Dai Madu gaw hkawhkam wa a htingnu hte shi a du salang ni a nta kata de jinu wunawng ni hpe dat bang dat ya wu ai. Egutu mung ting gaw dai jinu ni a majaw hten mat wa nga ai.

PRU MAT 8:5

Dai Madu gaw Mawshe hpe, “Arun gaw dawhkrawng hte hka nu, hka hkawng, hka lawng, hte hka nawng ni a ntsa de ladawn nna shu ni hpe shalun nhtawm Egutu mung ting hpe ka-up kau u,” ngu nna tsun shangun wu ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

BU HKAWM 33:4

shadang sha alat ni hpe lup makoi nga ai Egutu masha ni a man hku adan aleng hte Ramese mare hku pru wa ma ai. Ndai amu galaw ai a majaw dai Madu gaw Egutu Hpara ni hta grau nna daru magam n-gun rawng nga ai hpe madun dan wu ai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 16:9

Dai rai nna masha ni gaw, ja la ai kang kahtet ai hte hkru jahkat kau ai hkrum nna, ana zinli ni hpe up madu ai Karai Kasang a mying nsang hpe matsa shatan ma ai. Rai ti mung shanhte gaw, myit malai mung n lu, Karai Kasang a grau htum ai hpung shingkang hpe mung n shakawn shagrau ma ai.

1 SAMUELA 5:11

Dai rai nna, shanhte gaw Hpilisti hkawhkam ni yawng hpe bai shaga la nna, “Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,” ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.

1 SAMUELA 5:9

Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.

1 SAMUELA 6:8

Dai Madu a Ga Shaka Sumpu hpe la nna leng ntsa hta dai hpe mara nhtawm, de a makau na sumpu langai mi hta nanhte a yubak mara a matu jaw ya ai kumhpa ngu nna shi hpe shagun ya ai ja hte galaw ai kasi sumla ni hpe bang na rai myit dai. Dai leng hpe shi a lam hku hkawm hpang ai hte shi hpe hkrai hkawm mat wa shangun na rai myit dai.