1 SAMUELA 6:4 - Jinghpaw Common Language Bible 2009

⁴ Masha ni gaw, “Shanhte hpe anhte kaning re ai kumhpa jaw dat na rai nga ga ta?,” ngu nna san ma ai. Shanhte gaw, “Ja hte galaw ai mu shakrwi kasi manga, ja hte galaw ai yu sumla manga, dai ni hta na langai ngai gaw Hpilisti hkawhkam shagu a matu rai na rai nga ai. Nanhte yawng hte nanhte a hkawhkam manga hte hta dat dat ai ana zinli mung maren sha rai nga ai.

Jinghpaw Hanson Version Bible

⁴ Bai masha ni gaw, “Shi hpe jaw dat na mara raw kumhpa gaw, hpa baw rai na rai ta?” ngu nna san ma yang, shanhte gaw, “Hpilisti du ni a nambat hkan nna, aja mu shakrwi sumla manga, aja yu sumla manga, jaw dat na rai myit dai: kaning rai nme law, nanhte hte nanhte a du ni hta, kap ai zinli baw sha rai malit dai.

1 SAMUELA 6:4 ပူးပေါင်းရင်းမြစ်များ

PRU MAT 12:35

Israela amyu masha ni gaw Mawshe tsun da sai hte maren galaw ma ai rai nna, aja arai, gumhpraw arai hte hpun palawng ni hpe Egutu masha ni kaw na hpyi la ma ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 3:3

Dai mung hta ngam nga ai ni gaw Hpilisti mare manga hte hte, Hkanani amyu ni yawng, Sidon masha ni, bai Bela Hermon Bum kaw nna Hamat mare uhkan du hkra nga ai Lebanon Bum hkan na Hiwi masha ni rai nga ai.

1 SAMUELA 5:12

N si sai masha ni pyi mu shakrwi rawt jat wa ai a majaw karum la na matu shanhte a hpara ni hpe jahtau nga ma ai.

1 SAMUELA 5:6

Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.

1 SAMUELA 5:9

Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.

1 SAMUELA 6:5

Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!

1 SAMUELA 6:8

Dai Madu a Ga Shaka Sumpu hpe la nna leng ntsa hta dai hpe mara nhtawm, de a makau na sumpu langai mi hta nanhte a yubak mara a matu jaw ya ai kumhpa ngu nna shi hpe shagun ya ai ja hte galaw ai kasi sumla ni hpe bang na rai myit dai. Dai leng hpe shi a lam hku hkawm hpang ai hte shi hpe hkrai hkawm mat wa shangun na rai myit dai.