1 SAMUELA 6:21 - Jinghpaw Common Language Bible 2009

²¹ Shanhte gaw Kiriat Yarim masha ni hpang de kasa ni hpe shangun dat nhtawm, “Hpilisti masha ni dai Madu a Ga Shaka Sumpu hpe bai nhtang ya masai. Dai hpe yu sa nna sa la manu,” ngu nna htet dat ma ai.

Jinghpaw Hanson Version Bible

²¹ Bai shanhte gaw Kiriat-yarim masha ni hpang de masha shangun nna, “Hpilisti masha ni Yehowa sumpu sa sa ya mara ai; nanhte yu wa nna sa la manu,” ngu nna htet dat mu ai.

1 SAMUELA 6:21 ပူးပေါင်းရင်းမြစ်များ

2 SAMUELA 6:2

singkaw tu ai hkrung kanu ni a ntsa e dung ai dai Chyahtum Chyalai N-gun Rawng ai dai Madu a mying ningsang mying ai Karai Kasang a Ga Shaka Sumpu hpe sa htawt la na matu Yuda mung Bala mare de shanhte hpe woi sa wa wu ai.

SHAKAWN KUNGDAWN 78:60

Shi gaw anhte a ka-ang hta nga lai wa sai Shilo mare na sum nta hpe kau da nu ai.

YEREMIA 26:20

(Kiriat Yerim mare na, Shemaia a kasha Uria ngu ai masha langai wa mi gaw dai Madu a amying gang nna ndai mare hte mungdan hpe lakap nna Yeremia tsun ai zawn myihtoi ga tsun wu ai.

YEREMIA 7:12

Nawku na matu ngai lata san da ai shawng na shara ngu ai Shilo de sa wa mu; dai shara hta nye a amyu masha Israela ni a shut hpyit ai yubak ni a majaw ngai kaning di kau ai hpe mada yu mu.

YEREMIA 7:14

Dai rai nna, ngai gaw Shilo shara hpe di kau we ai zawn nang kam hpa nga ai ndai nye a Nawku Htingnu hpe mung di kau na we ai. Na a nji nwa ni hte nang hpe jaw ai ndai shara hpe mung Shilo shara e ngai di kau ai zawn di na we ai.

YAWSHU 15:60

Kiriat Bala (shing n rai Kiriat Yarim) hte Raba rai nga ai. Kahtawng ni hte hpawn mare lahkawng rai nga ai.

YAWSHU 15:9

dai kaw nna Nephto hka hpawk hku Ehpron bum makau na mare ni de hprang, dai kaw nna Bala (shing n rai Kiriat Yarim) de kayin mat wa nhtawm,

YAWSHU 18:14

Dai kaw nna lamu ga jarit gaw sinna maga de na kayin wa nhtawm dingda de shang wa nna Yuda amyu bawsang ni madu da ai Kiriat-Bala (shing n rai Kiriat Yarim) e byawn rai nga ai. Dai gaw sinna maga de na lamu ga jarit rai nga ai.

YAWSHU 9:17

Dai rai nna, Israela amyu masha ni pru sa wa nhtawm masum ya sat yang, dai masha ni nga ai Gibeon, Hkehpira, Berot hte Kiriat Yarim mare ni de du ma ai.

TARA AGYI 18:12

Shanhte lung wa nhtawm Yuda mung Kiriat Yarim mare a sinna maga e dap wa jung nga ma ai. Dai rai nna shara dai hpe Dan a dap ngu nna naw shamying da nga ma ai.