1 SAMUELA 6:20 - Jinghpaw Common Language Bible 2009

²⁰ Dai rai nna, Bet Sheme masha ni gaw, “Ndai chyoi pra ai Madu Karai Kasang a man e, kadai wa tsap lu nga a ta? Anhte kaw nna shi hpe gara shara de anhte shangun dat lu na rai nga ga ta?,” ngu nna tsun ma ai.

Jinghpaw Hanson Version Bible

²⁰ Shaloi Bet-sheme masha ni gaw, “Ndai chyoi pra htum ai Karai Kasang Yehowa man e kadai wa tsap lu na a ta? anhte kaw nna kadai hpang de sa wa na wu ai i?” Nga nna tsun ma ai.

1 SAMUELA 6:20 ပူးပေါင်းရင်းမြစ်များ

2 SAMUELA 6:7

Dai Madu Karai Kasang gaw Uza hpe masin pawt wu ai rai nna shi galaw shut kau ai mara a majaw sat kau wu ai. Uza mung dai Ga Shaka Sumpu makau e si taw nga ai rai nna,

2 SAMUELA 6:9

Dawi mung dai Madu hpe hkrit wu ai rai nna, “Ya ndai Ga Shaka Sumpu ngai hte rau kaning rai la wa na i?,” ngu nna tsun wu ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

JAW JAU 11:44

Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.

JAW JAU 11:45

Ngai gaw nanhte hpe Egutu mung kaw na woi shapraw wa ai dai Madu rai nga nngai; nanhte a Karai Kasang ngai tai lu ni ai; ngai gaw chyoi pra nga nngai majaw nanhte mung chyoi pra lu na rai myit dai.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 8:37

Shaloi, buga ginwang hkan na masha ni yawng gaw, hkrit kaba hte hkrit ma ai majaw shanhte kaw na pru mat wa na matu Yesu hpe jawm hpyi nem ma ai. Dai rai nna Yesu gaw li de shang nhtawm, dai shara na pru mat wa ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.

1 SAMUELA 5:7

Ya, ning rai byin wa ai lam hpe shanhte mu ai shaloi, “Israela a Karai Kasang gaw anhte hpe mung, anhte a hpara Dagon hpe mung ari jaw nga sai. Ndai yang e, Ga Shaka Sumpu hpe anhte galoi mung tawn da lu na saga ai n rai,” ngu nna shanhte tsun ma ai.