1 SAMUELA 6:2 - Jinghpaw Common Language Bible 2009

² masha ni gaw hkinjawng ni hte mandan lakle sara ni hpe shaga la nhtawm, “Dai Madu a Ga Shaka Sumpu hpe anhte kaning di na rai nga ga ta? Shi a shara de bai nhtang dat dat ai rai yang, dai hpe anhte hpa hte dat dat na rai ga ta?,” ngu nna san ma ai.

Jinghpaw Hanson Version Bible

² Shaloi Hpilisti masha ni gaw hkinjawng ni hte ningwawt ni hpe shaga nna, “Yehowa sumpu ndai hpe kaning di na rai ta? shi a shara de hpa hte dat dat na, madun marit,” ngu mu ai.

1 SAMUELA 6:2 ပူးပေါင်းရင်းမြစ်များ

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

PRU MAT 7:11

Dai hpang hkawhkam wa gaw shi a hpaji chye ai masha ni hte mandan bau ai ni hpe shaga la nna shanhte a mandan lakle hpaji hte dai hte maren galaw ma ai.

ESAIA 2:6

O Karai Kasang, nang gaw Yaku a matu mara ni ngu ai na a amyu masha ni hpe kau da nga nit hka! Dai lamu ga gaw Sinpraw mung hte Hpilisti masha ni kaw na mandan shaba wawt amu ni hte hpring nga ai. Amyu masha ni gaw maigan htung arawn alai hta hkan nang nga ma ai.

Daniela 2:2

dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

MAHTE 2:4

Herod hkawhkam gaw, dai amyu a hkinjawng agyi ni hte tara sara ni yawng hte hpe shaga jahpawng da nhtawm, “Meshia kanang e shangai wa na rai ta?,” ngu nna shanhte hpe san mu ai.

1 SAMUELA 5:8

Dai re ai majaw, shanhte gaw kasa ni hpe shangun dat nhtawm Hpilisti hkawhkam manga hte hpe shaga jahpawng da nna shanhte hpe, “Israela a Karai Kasang a Ga Shaka Sumpu hpe anhte kaning di na rai nga ga ta?,” ngu nna san ma ai. Shanhte gaw, “Dai hpe Gat mare de sa tawn da mu,” ngu nna htan mu yang, shanhte mung dai hpe Hpilisti mare rai nga ai Gat mare de sa tawn da ma ai.

1 SAMUELA 6:1

Dai Madu a Ga Shaka Sumpu gaw Hpilisti mung e shata sanit nga nga ai hpang,