1 SAMUELA 6:17 - Jinghpaw Common Language Bible 2009

¹⁷ Hpilisti masha ni gaw dai Madu hpe shanhte a yubak mara raw kumhpa ngu na mu shakrwi aja sumla manga hte hpe Ashdod, Gaza, Ashkelon, Gat hte Ekron mare ni a matu langai ngai di nna, shagun dat ya ma ai.

Jinghpaw Hanson Version Bible

¹⁷ Yehowa hpe shabawn dat ai mara raw kumhpa ngu na, mu shakrwi aja sumla ni gaw, Ashdod a matu langai mi, Gaza matu langai mi, Ashkelon matu langai mi, Gat a matu langai mi, Ekron a matu langai mi rai nga ai:

1 SAMUELA 6:17 ပူးပေါင်းရင်းမြစ်များ

2 SAMUELA 1:20

Dai ashi hpe Gat mare hkan hkum tsun ndau mu; Ashkelon mare lam hkan e hkum kajai myit. Hpilisti numsha ni hpe hkum kabu shangun myit; tara maigan masha ni a shayi sha ni hpe hkum gara shangun nga myit.

2 SAMUELA 21:22

Dai masha mali hte gaw Gat mare e nga ai dai marim mangam rai galu kaba ai wa a amyu matu ni rai ma ai. Shanhte yawng hte gaw Dawi hte shi a masha ni a lata hta sat kau hkrum ai ni rai ma ai.

2 HKAWHKAM 1:2

Israela Hkawhkam Ahazia gaw Samari mare e nga ai shi a hkawhkam htingnu ntsa htap na nbang pinra kaw na di hkrat mat wu ai majaw grai sawng mat hkra machyi mat wu ai. Dai rai nna shi bai hkam kaja wa na, n kaja na lam chye lu hkra nga, Hpilisti karai Balazebu hpe san yu na matu shi a kasa nkau mi hpe Ekron mare de shangun dat wu ai.

2 HKAWHKAM LABAU 26:6

Uzia gaw Hpilisti masha ni hpe sa gasat ai rai nna Gad, Yamne hte Ashdod mare bunghku ni hpe run hpya kau nhtawm Ashdod mare makau na mare ni hpe bunghku kum nna Hpilisti mung na naw ngam nga ai mare ni hpe de da wu ai.

JAW JAU 5:7

Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.

AMO LAIKA (AMOS) 1:6

Dai Madu gaw, “Gaza masha ni gaw lang hte lang yubak galaw shut kau nga masai, dai lam a majaw ngai shanhte hpe teng teng ari jaw na nngai. Shanhte gaw amyu ting hpe rim la nna Edom masha ni a lata de mayam hku dut kau dat ma ai.

AMO LAIKA (AMOS) 6:2

Hkalna mare hpe sa yu yu mu. Dai hpang Hamat a galu kaba ai mare de matut sa nhtawm Gat a Hpilisti mare de yu sa wa mu. Dai ni gaw Yuda hte Israela mungdan ni hta grau kaja nga a ni? Shanhte a lamu ga gaw nanhte a lamu ga hta grau dam lada nga a ni?

TARA JAHPRANG 28:27

Dai Madu gaw Egutu masha ni hpe galaw ai zawn nanhte a ntsa e shakrwi tu shangun na ra ai. Nanhte a hkum hta mung hpye ai ningma kahpawk ga na ra ai. Machyit hte maru ru ai gaw nanhte hta chyat rai ti mung, nang hpe mai hkra tsi lajang na kadai mung nga na n rai.

TARA AGYI 1:18

Dai Madu gaw Yuda masha ni hpe karum la wu ai, shanhte gaw bum ga hpe madu la lu ma ai. Rai ti mung shanhte gaw Gaza hte de a ginwang, Ashkelon hte de a ginwang hte Ekron hte de a ginwang ni hpe lu la ma ai n rai. Dai masha ni gaw panglai hkin-gau mayan hku nga ma ai, shanhte gaw hpri leng ni lu ma ai, dai rai nna Yuda masha ni gaw shanhte hpe n lu gawt shapraw kau lu ma ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 16:1

Lani mi na aten hta, Samson gaw Hpilisti mung na Gaza mare de sa wa wu ai; dai yang e shawa num langai mi hte hkrum nna shi kaw shang nga wu ai.

TARA AGYI 16:21

Hpilisti masha ni shi hpe rim la nhtawm shi a myi achyaw baw kau ya ma ai. Shanhte gaw Gaza mare de shi hpe woi wa nna magri mang saidawng sumri hte shi hpe gyit tawn let htawng kata e htumrin rin shangun ma ai.

1 SAMUELA 5:1

Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.

1 SAMUELA 5:10

Dai rai nna, shanhte mung kaga Hpilisti mare rai nga ai Ekron mare de dai Ga Shaka Sumpu hpe sa kau dat mu ai; rai ti mung dai yang e dai Sumpu du jang, masha ni gaw, “Anhte yawng hpe sat kau na nga, Israela a Karai Kasang a Ga Shaka Sumpu hpe shanhte la wa myit hka i!,” ngu nna jahtau tsun ma ai.

1 SAMUELA 5:8

Dai re ai majaw, shanhte gaw kasa ni hpe shangun dat nhtawm Hpilisti hkawhkam manga hte hpe shaga jahpawng da nna shanhte hpe, “Israela a Karai Kasang a Ga Shaka Sumpu hpe anhte kaning di na rai nga ga ta?,” ngu nna san ma ai. Shanhte gaw, “Dai hpe Gat mare de sa tawn da mu,” ngu nna htan mu yang, shanhte mung dai hpe Hpilisti mare rai nga ai Gat mare de sa tawn da ma ai.

1 SAMUELA 6:4

Masha ni gaw, “Shanhte hpe anhte kaning re ai kumhpa jaw dat na rai nga ga ta?,” ngu nna san ma ai. Shanhte gaw, “Ja hte galaw ai mu shakrwi kasi manga, ja hte galaw ai yu sumla manga, dai ni hta na langai ngai gaw Hpilisti hkawhkam shagu a matu rai na rai nga ai. Nanhte yawng hte nanhte a hkawhkam manga hte hta dat dat ai ana zinli mung maren sha rai nga ai.