1 SAMUELA 5:9 - Jinghpaw Common Language Bible 2009

⁹ Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.

Jinghpaw Hanson Version Bible

⁹ Ya dai de sa tawn da ai hpang, Yehowa a lata dai mare hpe mung grai sharu shatsang da su ai: mare masha kaji kaba ni hpe sin adup nna, shanhte mu shakrwi hkrum ma ai.

1 SAMUELA 5:9 ပူးပေါင်းရင်းမြစ်များ

SHAKAWN KUNGDAWN 78:66

Shi a gumlau hpyen ni hpe kanut wa shangun nna; prat dingsa kaya kahpa jahkrum da nga wu ai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

TARA JAHPRANG 2:15

Shanhte yawng hpe shamyit jahtum kau ai aten du hkra, dai Madu mung shanhte hpe ninghkap wu ai.

1 SAMUELA 12:15

Rai ti mung nanhte gaw dai Madu a hkang da ai ga hpe lale nhtawm shi a ga hpe n madat myit dai rai yang, nanhte hpe mung, nanhte a hkawhkam wa hpe mung shi numdaw numdan tai na ra ai.

1 SAMUELA 5:10

Dai rai nna, shanhte mung kaga Hpilisti mare rai nga ai Ekron mare de dai Ga Shaka Sumpu hpe sa kau dat mu ai; rai ti mung dai yang e dai Sumpu du jang, masha ni gaw, “Anhte yawng hpe sat kau na nga, Israela a Karai Kasang a Ga Shaka Sumpu hpe shanhte la wa myit hka i!,” ngu nna jahtau tsun ma ai.

1 SAMUELA 5:11

Dai rai nna, shanhte gaw Hpilisti hkawhkam ni yawng hpe bai shaga la nna, “Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,” ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.

1 SAMUELA 5:6

Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.

1 SAMUELA 6:11

Shanhte gaw Ga Shaka Sumpu hte rau ja hte galaw ai yu kasi sumla hte mu shakrwi kasi sumla ni hpe bang da ai sumpu hte hpawn leng ntsa e mara ma ai.

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.