1 SAMUELA 5:8 - Jinghpaw Common Language Bible 2009

⁸ Dai re ai majaw, shanhte gaw kasa ni hpe shangun dat nhtawm Hpilisti hkawhkam manga hte hpe shaga jahpawng da nna shanhte hpe, “Israela a Karai Kasang a Ga Shaka Sumpu hpe anhte kaning di na rai nga ga ta?,” ngu nna san ma ai. Shanhte gaw, “Dai hpe Gat mare de sa tawn da mu,” ngu nna htan mu yang, shanhte mung dai hpe Hpilisti mare rai nga ai Gat mare de sa tawn da ma ai.

Jinghpaw Hanson Version Bible

⁸ Dai re ai majaw shanhte Hpilisti du ni nlang hpe shaga nna, Israela Karai Kasang a sumpu ndai hpe kaning di na rai ta?” nga nna san ma ai. Shanhte gaw, “Israela Karai Kasang a sumpu dai hpe, Gat mare de sa tawn da mu,” ngu nna htan mu ai. Dai hte maren shanhte Israela Karai Kasang a sumpu, dai de sa tawn da mu ai.

1 SAMUELA 5:8 ပူးပေါင်းရင်းမြစ်များ

1 HKAWHKAM LABAU 7:21

Zabad, Shuhtela hte rai nga ai. Shanhte hta kaga Ehprim hta shadang sha lahkawng naw nga nga ai; dai yan gaw Ezera hte Elead yan rai nga ai. Shan gaw Gat masha ni madu da ai yam nga hpung hpe lagu na shakut ma ai majaw sat kau ai hkrum ma ai.

AMO LAIKA (AMOS) 6:2

Hkalna mare hpe sa yu yu mu. Dai hpang Hamat a galu kaba ai mare de matut sa nhtawm Gat a Hpilisti mare de yu sa wa mu. Dai ni gaw Yuda hte Israela mungdan ni hta grau kaja nga a ni? Shanhte a lamu ga gaw nanhte a lamu ga hta grau dam lada nga a ni?

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

YAWSHU 15:11

Dai hpang Ekron dingdung maga na kawng hku lai, Shikeron hku hprang, Bala Bum bai lai, Yamne de hprawt rai nhtawm, Sinna maga de na lamu ga jarit sumri gaw Ka-ang Panglai hta wa htum sai.

1 SAMUELA 17:4

Gat mare na Goliat mying ai wa gaw Hpilisti dap kaw na pru wa wa rai nhtawm, Israela amyu masha ni hpe grang dakat wu ai. Shi gaw pe 9 jan tsaw nna pawng 125 li ai

1 SAMUELA 17:52

Israela hte Yuda masha ni jahtau garu let shanhte a hpang hkan nang nhtawm Gat hte Ekron mare chyinghka hkan du hkra, lam dingyang hkan shachyut ma ai. Hpilisti masha ni hta na hkala hkrum ai ni mung Sharim kaw nna Gat hte Ekron du hkra lam yan ting hta kadawng taw nga ma ai.

1 SAMUELA 29:6

Ahkisha gaw Dawi hpe shaga la nhtawm shi hpe, “Nang ngai hta sadi dung nga ndai mung, ndai majan hta ngai hte rau nang pru sa nna sa gasat lawm ai amu hta ngai nang hpe myit du sade ai mung, nang ngai kaw du ai shani kaw nna ya du hkra nang hta hpa mara n mu mada ai mung, ahkrung nga ai Israela a Karai Kasang hta ngai dagam nga nngai. Rai ti mung, kaga hkawhkam ni mahtang nang hpe n ra sharawng nga ma ai.

1 SAMUELA 5:11

Dai rai nna, shanhte gaw Hpilisti hkawhkam ni yawng hpe bai shaga la nna, “Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,” ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.

1 SAMUELA 5:7

Ya, ning rai byin wa ai lam hpe shanhte mu ai shaloi, “Israela a Karai Kasang gaw anhte hpe mung, anhte a hpara Dagon hpe mung ari jaw nga sai. Ndai yang e, Ga Shaka Sumpu hpe anhte galoi mung tawn da lu na saga ai n rai,” ngu nna shanhte tsun ma ai.

1 SAMUELA 6:2

masha ni gaw hkinjawng ni hte mandan lakle sara ni hpe shaga la nhtawm, “Dai Madu a Ga Shaka Sumpu hpe anhte kaning di na rai nga ga ta? Shi a shara de bai nhtang dat dat ai rai yang, dai hpe anhte hpa hte dat dat na rai ga ta?,” ngu nna san ma ai.