1 SAMUELA 5:7 - Jinghpaw Common Language Bible 2009

⁷ Ya, ning rai byin wa ai lam hpe shanhte mu ai shaloi, “Israela a Karai Kasang gaw anhte hpe mung, anhte a hpara Dagon hpe mung ari jaw nga sai. Ndai yang e, Ga Shaka Sumpu hpe anhte galoi mung tawn da lu na saga ai n rai,” ngu nna shanhte tsun ma ai.

Jinghpaw Hanson Version Bible

⁷ Ya, ning rai byin wa ai gaw Ashdod masha ni mu jang, shanhte gaw, “Israela Karai Kasang a sumpu anhte kaw n nga mai sai: shi a lata gaw anhte a ntsa e mung, anhte a Hpara Dagon a ntsa e mung li la mali ai.

1 SAMUELA 5:7 ပူးပေါင်းရင်းမြစ်များ

2 SAMUELA 6:9

Dawi mung dai Madu hpe hkrit wu ai rai nna, “Ya ndai Ga Shaka Sumpu ngai hte rau kaning rai la wa na i?,” ngu nna tsun wu ai.

1 HKAWHKAM LABAU 15:13

Shawng na lang hpai ai shaloi dai yang e nanhte n lawm nga myit dai hte anhte galaw ang ai hte maren, shi hpe n nawku ai majaw dai Madu anhte a Karai Kasang anhte hpe ari jaw mi ai,” ngu nna tsun wu ai.

PRU MAT 10:7

Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

PRU MAT 12:33

Egutu masha ni mung, mungdan kaw na alawan sha pru mat wa na matu amyu masha ni hpe shadut ma ai; shanhte gaw, “Nanhte n pru mat wa ai rai yang, anhte yawng si mat na ga ai,” ngu nna tsun ma ai.

PRU MAT 8:28

Hkawhkam wa gaw, “Nanhte tsan tsan de n sa na myit dai rai yang chyawm gaw dai Madu nanhte a Karai Kasang hpe nam mali e hkungga nawng jau shangun na made ai; nye a matu mung hpyi nem ya mi,” ngu nna tsun wu ai.

PRU MAT 8:8

Hkawhkam wa gaw Mawshe yan Arun hpe shaga la nna, “Ndai shu ni hpe seng kau ya na matu dai Madu kaw hpyi nem ya mi, shaloi dai Madu hpe hkungga nawng jau lu na matu na a amyu masha ni hpe ngai dat dat ya na nngai,” ngu nna tsun wu ai.

PRU MAT 9:28

Dai Madu hpe hpyi nem ya mi! Anhte hta ndai mu hte sin marang hkrat ai gaw ram la nga sai. Nanhte hpe dat dat na matu, ngai ga sadi jaw nngai; dai rai nna nanhte gaw ndai yang e loi mi mung nga lu na myit dai n rai,” ngu nna tsun wu ai.

YEREMIA 46:25

Chyahtum Chyalai N-gun rawng ai dai Madu Israela a Karai Kasang gaw Amon hpara ngu ai Htebe hpe mung, Egutu mung hte dai mung na hpara ni hte hkawhkam ni hpe mung rau hpawn ari jaw na ra ai. Ngai gaw Egutu hkawhkam hte shi hta kam hpa shamyet shanat nga ai ni yawng hpe woi la nna,

YEREMIA 48:7

“Moba e, nang gaw na a n-gun hte sut gan hpe kam hpa nga ndai, rai ti mung, ya chyawm gaw nang hkrat sum mat nit dai; na a Hkemosha hpara mung shi a hkawhkam shadang sha ni hte hkinjawng ni hte hpawn bawng rim la hkrum na mara ai.

1 SAMUELA 4:8

Ndai daru magam n-gun rawng ai hpara ni a lata kaw na kadai wa anhte hpe hkye la lu na rai nga a ta? Dai hpara ni gaw nam mali hkan e Egutu masha ni hpe sat sharu kau ai hpara ni rai nga ma ai!

1 SAMUELA 5:6

Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.

1 SAMUELA 5:8

Dai re ai majaw, shanhte gaw kasa ni hpe shangun dat nhtawm Hpilisti hkawhkam manga hte hpe shaga jahpawng da nna shanhte hpe, “Israela a Karai Kasang a Ga Shaka Sumpu hpe anhte kaning di na rai nga ga ta?,” ngu nna san ma ai. Shanhte gaw, “Dai hpe Gat mare de sa tawn da mu,” ngu nna htan mu yang, shanhte mung dai hpe Hpilisti mare rai nga ai Gat mare de sa tawn da ma ai.

1 SAMUELA 6:20

Dai rai nna, Bet Sheme masha ni gaw, “Ndai chyoi pra ai Madu Karai Kasang a man e, kadai wa tsap lu nga a ta? Anhte kaw nna shi hpe gara shara de anhte shangun dat lu na rai nga ga ta?,” ngu nna tsun ma ai.