1 SAMUELA 5:3 - Jinghpaw Common Language Bible 2009

³ Hpang jahpawt jau jau e, Ashdod masha ni rawt yu mu yang, dai Madu a Ga Shaka Sumpu man e Dagon sumla mahtang ga ntsa de man yawng let dagup taw nga ai hpe mu ma ai. Dai rai nna, shanhte gaw dai hpe bai sharawt la nhtawm shi a shara hta bai tawn da ma ai.

Jinghpaw Hanson Version Bible

³ Hpang jahpawt jau jau e Ashdod masha ni rawt yu mu yang, yu mu, Dagon gaw Yehowa a sumpu man e, ga hta dagup let taw nga ai. Shaloi shanhte Dagon hpe sharawt nna, shi a shara e bai shadun tawn mu ai.

1 SAMUELA 5:3 ပူးပေါင်းရင်းမြစ်များ

1 HKAWHKAM 18:26

Shanhte hpe jaw da ai usu hpe shanhte hpya la nna dai hpe hkyen shachyip tawn nhtawm shana de du hkra, Bala kaw hpyi ma ai. Shanhte gaw, “Bala e, anhte hpe htan ya mi law!,” ngu nna jahtau tsun ma ai. Shing rai shanhte galaw tawn ai tawn hkungri grup grup hta ka manawt nga ma ai. Rai ti mung hpa mahtai mi n pru nga malu ai.

SHAKAWN KUNGDAWN 115:7

Shanhte hta lata tu ti mung, n jum lu nga ma ai, lagaw tu nga ma ti mung, n lu hkawm nga ma ai; shanhte gaw nsen hpe mung n shapraw lu ma ai.

SHAKAWN KUNGDAWN 97:7

Hpara sumla hpe nawku ai wa kadai rai ti mung, kaya kahpa hkrum nga nna; karai ni yawng gaw Madu a man e, dingnyawm nga ma ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 40:20

Aja gumhpraw n dang di lu ai wa kadai mung tsam mat n chye ai hpun lata la nga ai. Shi gaw n kadawng mat ai gawkngu sumla galaw na matu kung kyang ai lasama langai tam nga ai.

ESAIA 41:7

Lasama gaw ja janghkam wa hpe, ‘Ara rai sa!’ ngu nna tsun nga ai. Hpara sumla hpe tawk shatsawm ai wa gaw dai sumla hta hpri dit shakap ai wa hpe n-gun jaw nga ai. Shanhte gaw, ‘Namsan gaw kaja nga ai,’ ngu nna tsun ma ai. Shanhte gaw dai hpara sumla hpe manu ai shara hta hpri hte ngang ngang dit shakap nga ma ai.

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

MARKU 3:11

N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

1 SAMUELA 6:1

Dai Madu a Ga Shaka Sumpu gaw Hpilisti mung e shata sanit nga nga ai hpang,

1 SAMUELA 6:5

Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!