1 SAMUELA 5:11 - Jinghpaw Common Language Bible 2009

¹¹ Dai rai nna, shanhte gaw Hpilisti hkawhkam ni yawng hpe bai shaga la nna, “Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,” ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.

Jinghpaw Hanson Version Bible

¹¹ Dai re ai majaw, shanhte Hpilisti du ni nlang hpe shaga la nna, “Israela Karai Kasang a sumpu ndai, anhte hte anhte a masha ni hpe n sat kau mi ga, dat kau gaw, shi a shara de wa u ga,” nga ma ai; kaning rai nme law, Karai Kasang a lata dai shara hta nachying li la ai rai nna, dai mare ting hta si wa hkra ja la ai zinli pri rai nga ai.

1 SAMUELA 5:11 ပူးပေါင်းရင်းမြစ်များ

PRU MAT 10:7

Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

1 SAMUELA 5:10

Dai rai nna, shanhte mung kaga Hpilisti mare rai nga ai Ekron mare de dai Ga Shaka Sumpu hpe sa kau dat mu ai; rai ti mung dai yang e dai Sumpu du jang, masha ni gaw, “Anhte yawng hpe sat kau na nga, Israela a Karai Kasang a Ga Shaka Sumpu hpe shanhte la wa myit hka i!,” ngu nna jahtau tsun ma ai.

1 SAMUELA 5:6

Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.

1 SAMUELA 6:5

Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!