1 SAMUELA 5:1 - Jinghpaw Common Language Bible 2009

^1-2 Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.

Jinghpaw Hanson Version Bible

¹ Ya Hpilisti masha ni Karai Kasang a sumpu la nna, Ebeneza kaw nna Ashdod mare de la wa mu ai.

1 SAMUELA 5:1 ပူးပေါင်းရင်းမြစ်များ

SHAKAWN KUNGDAWN 78:61

Shi a daru magam n-gun hte hpung shingkang a kumla rai nga ai Sakse Sumpu hpe gumlau hpyen ni rim la kau na ahkang shi jaw kau ya wu ai.

ESAIA 20:1

Asuri Hkawseng Sargon a aming hte maren, Asuri hpyen luksuk a du kaba wa gaw Hpilisti mung na Ashdod mare hpe htim gasat wu ai.

AMO LAIKA (AMOS) 3:9

Egutu hte Ashdod na hkawhkam htingnu ni hta nga ai ni hpe ning ngu tsun ndau mu: “Samari makau grup yin na kawng ni hta hpawng shinggyin ai hte dai shara na kaba ai kabring kabrawng amu hte shut hpyit kau ai ru hka amu ni hpe yu yu mu.”

KASA 8:40

Hpilip chyawm gaw, Azutu mare e shi du nga ai hpe chye wu ai. Dai hpang shi gaw Kesare mare de sa wa ai lam e mare langai hte langai hta shang nna Yesu Hkristu a lam Kabu Gara Shiga hkai dan wu ai.

YAWSHU 11:22

Anakim masha ni kadai mung Israela mungdan hta ngam nga lu na ma ai n rai; Gaza, Gat hte Ashdod mare ni hta sha loi mi nga nga ma ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

1 SAMUELA 4:1

Dai aten hta Hpilisti masha ni gaw Israela amyu masha ni hpe gasat na nga, hpawng shinggyin nga ma ai; Israela amyu masha ni mung shanhte hpe htim gasat na nga, pru sa wa ma ai. Israela amyu masha ni gaw Ebeneza shara e shanhte a dap jung nhtawm, Hpilisti masha ni gaw Ahpek shara e dap jung ma ai.

1 SAMUELA 4:11

Karai Kasang a Ga Shaka Sumpu mung la kau ya hkrum ai hte Eli a kasha Hopni yan Hpineha shan lahkawng sat kau hkrum ma ai.

1 SAMUELA 4:22

Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.

1 SAMUELA 6:1

Dai Madu a Ga Shaka Sumpu gaw Hpilisti mung e shata sanit nga nga ai hpang,

1 SAMUELA 7:12

Dai hpang, Samuela gaw nlung langai la nna Mizpa hte Shen lapran e jung tawn nhtawm, “Dai Madu gaw lam htum hkra anhte hpe karum la mani ai,” ngu nna tsun wu ai. Dai rai nna nlung dai hpe “Karum la Nlung” ngu nna shamying wu ai.