1 SAMUELA 4:3 - Jinghpaw Common Language Bible 2009

³ Naw hkrung nga ai ni dap de nhtang wa shajang yang, Israela ningbaw ni gaw, “Dai ni na nhtoi hta dai Madu gaw hpa majaw Hpilisti masha ni hpe dang kau shangun ai kun? Shi anhte hte rau sa nna gumlau hpyen ni a lata kaw na anhte hpe hkye la mi ga, Shilo mare na dai Madu a Ga Shaka Sumpu hpe wa la saga,” ngu nna tsun ma ai.

Jinghpaw Hanson Version Bible

³ Masha ni dap de bai du wa ma jang, Israela agyi salang ni gaw, “Dai ni Yehowa anhte hpe, Hpilisti masha ni a man e hpa rai jasum mi ai i? Yehowa a ga shaka sumpu sa nna, masha hpyen ni a lata na anhte hpe hkye la mi ga, Shilo mare na wa la saga,” nga nna bawng ma ai.

1 SAMUELA 4:3 ပူးပေါင်းရင်းမြစ်များ

2 SAMUELA 15:25

Dai hpang hkawhkam wa gaw Zadok hpe, “Ga Shaka Sumpu hpe mare de bai la wa mu; dai Madu ngai hta awng sharawng nga ai rai yang, dai hpe tawn da ai shara hta dai hpe bai mu lu na matu ngai hpe bai nhtang wa shangun na rai wu ai.

1 HKAWHKAM LABAU 17:1

Hkawhkam Dawi gaw shi a hkawhkam htingnu e nga nga wu ai. Lani mi na nhtoi e, shi gaw myihtoi Nahtan hpe shaga la nhtawm shi hpe, “Yu u, ngai chyawm gaw arit hpun hte galaw ai nta e rawng nga nngai; rai ti mung dai Madu a Ga Shaka Sumpu mahtang sumpan sum kata e rawng nga ai!,” ngu nna tsun wu ai.

SHAKAWN KUNGDAWN 74:1

O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

SHAKAWN KUNGDAWN 74:11

Nang anhte hpe karum la na matu hpa majaw ningdang kau nga n ni? Na a lata ni hpe hpa majaw shingdu de hkintum da nga n ta?

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 58:3

Amyu masha ni gaw, “Dai Madu galoi mung n matsing ai mi, anhte hpa majaw lusha gam ang na ga ta? Shi myit n lawm ai mi, anhte hpa majaw lusha n lawm ai sa ang ga ta?,” ngu nna san ma ai. Dai Madu gaw shanhte hpe, “Dai teng man ai gaw dai nanhte lusha gam ai aten hta nan rai nga ai, nanhte gaw nanhte a amyat ni hpe hkan tam nna, nanhte a amu galaw masha ni hpe dip gamyet sha nga myit dai.

ESAIA 59:1

Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

ESAIA 59:2

Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

YEREMIA 3:16

Dai hpang, nanhte gaw dai mungdan hta law htam wa myit dai shaloi, amyu masha ni gaw nye a Ga Shaka Sumpu hte seng ai lam galoi mung tsun na mara ai n rai. Shanhte gaw de a lam hte seng nna mung, dai hpe adum nga na matu mung, galoi mung myit yu na mara ai n rai; shanhte gaw dai hpe pyi ra na n rai, shanhte gaw kaga langai mi hpe mung galaw na mara ai n rai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

BU HKAWM 10:33

Amyu masha ni dai chyoi pra ai Sina Bum kaw nna pru wa nhtawm masum ya lam hkawm ma ai. Dai Madu a Ga Shaka Sumpu mung shanhte but na shara tam let, shanhte a shawng e galoi mung sa wa nga ai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

BU HKAWM 31:6

Mawshe gaw chyoi pra ai arai ni hte pahtau dum let masat kumla jaw ai hta woi awn ai hkinjawng Eleaza a kasha Hpineha a woi hkang ai npu hta shanhte hpe shangun dat wu ai.

TARA JAHPRANG 29:24

Dai hpang mungkan ga ting gaw, ‘Dai Madu gaw hpa majaw shanhte a mungdan hpe dai hku galaw kau wu ni? Shi a hkrit hpa masin kahtet ai gaw kaning re ai mi rai nga ai kun?,’ ngu nna san na mara ai.

TARA JAHPRANG 31:26

dai Madu nanhte a Karai Kasang a Ga Shaka Sumpu makau e tawn da mu; dai gaw shi a amyu masha ni a matu sakse tai nga na ra ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.

YAWSHU 6:6

Yawshu gaw hkinjawng ni hpe shaga la nna shanhte hpe, “Dai Ga Shaka Sumpu hpe hpai nhtawm nanhte hta na marai sanit pahtau lang let, Sumpu a shawng e sa wa masu,” ngu nna tsun wu ai.

YAWSHU 7:7

Yawshu gaw, “Tsaw Htum ai Madu e, nang hpa majaw ndai Yawdan hka woi rap n ni? Amori masha ni a lata de ap kau na matu rai nga a ni? Shing n rai anhte hpe shamyit kau na matu rai nga a ni? Yawdan wora hkran e anhte hpe hpa majaw n nga shangun n ni?

YAWSHU 7:8

O Madu e, ya chyawm gaw Israela mahtang gumlau hpyen a lata kaw na htingnut mat wa ai hpe ngai kaning ngu tsun lu na rai ta?

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

YUDA 1:5

Karai Kasang gaw Israela amyu masha ni hpe Egutu mung kaw na kalang mi gara hku shaw la sai hpang shi hpe n kam n sham ai ni hpe jahten shabya kau sai lam nanhte chye nga myit ti mung, nanhte hpe ngai bai shadum mayu nngai.

1 SAMUELA 1:24

Ma dai hpe chyu jahka kau ngut ai hpang, masum ning du sai usu langai, shadung pawng kru, sabyi ntsin tau mi hte hpawn Shilo mare de woi sa wa wu ai. Hana mahtang dai ma hpe Shilo mare na dai Madu a nta de Samuela hpe woi sa ai shaloi, shi naw kaji nga lu ai.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)

1 SAMUELA 4:2

Hpilisti masha ni gasat ma ai rai nna laja lana htim anut gasat ngut ai hpang, Israela amyu masha ni hpe mahtang dang kau ai hte dai majan pa e masha hkying mali daram hpe sat kau ma ai.