1 SAMUELA 4:22 - Jinghpaw Common Language Bible 2009

²² Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.

Jinghpaw Hanson Version Bible

²² “Karai Kasang a sumpu hpyen lata shang mat ai majaw, Israela hpung shingkang hkoi mat sai,” nga nna shi bai tsun wu ai.

1 SAMUELA 4:22 ပူးပေါင်းရင်းမြစ်များ

SHAKAWN KUNGDAWN 78:64

Hkinjawng ni mung kashun kashe du daw sai hkaw re ai amu hta si mat nga ma ai; shanhte a gaida jan ni hpe hkrap ngu hkrap ngoi na ahkang n jaw wu ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.

1 SAMUELA 3:12

Dai shani e, Eli a dinghku hpe ninghkap na matu, ngai jahkrit shama ai lam yawng nnan hpang ai kaw nna ngut kre ai aten du hkra ngai shapraw dan na we ai.

1 SAMUELA 4:21

Shi gaw ma dai hpe Ihkabu ngu nna shamying da wu ai: dai gaw, “Karai Kasang a hpung shingkang Israela kaw na pru mat wa sai,” ngu ai hpe tsun shaleng ai rai nga ai. Ga Shaka Sumpu rim la kau hkrum ai mung, shi a kagu hte madu wa si mat wa ai hte mung lakap nga ai.

1 SAMUELA 5:1

Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.