1 SAMUELA 4:21 - Jinghpaw Common Language Bible 2009

²¹ Shi gaw ma dai hpe Ihkabu ngu nna shamying da wu ai: dai gaw, “Karai Kasang a hpung shingkang Israela kaw na pru mat wa sai,” ngu ai hpe tsun shaleng ai rai nga ai. Ga Shaka Sumpu rim la kau hkrum ai mung, shi a kagu hte madu wa si mat wa ai hte mung lakap nga ai.

Jinghpaw Hanson Version Bible

²¹ Bai shi gaw, dai kasha hpe Ihkabu ngu nna shamying da wu ai: kaning rai nme law, Karai Kasang a sumpu hpyen lata shang mat ai majaw mung, kagu yan madu wa si mat ai majaw mung, Israela hpung shingkang hkoi mat sai, nga ai rai lu ai.

1 SAMUELA 4:21 ပူးပေါင်းရင်းမြစ်များ

SHAKAWN KUNGDAWN 106:20

Shanhte gaw Karai Kasang a hpung shingkang hpe tsingdu sha ai dusat a sumla hte galai kau mu ai.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

SHAKAWN KUNGDAWN 78:61

Shi a daru magam n-gun hte hpung shingkang a kumla rai nga ai Sakse Sumpu hpe gumlau hpyen ni rim la kau na ahkang shi jaw kau ya wu ai.

SHAKAWN KUNGDAWN 78:64

Hkinjawng ni mung kashun kashe du daw sai hkaw re ai amu hta si mat nga ma ai; shanhte a gaida jan ni hpe hkrap ngu hkrap ngoi na ahkang n jaw wu ai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

1 SAMUELA 14:3

(Shilo mare na dai Madu a hkinjawng rai nga ai Eli a kashu, Hpineha a kasha, Ihkabu a kahpu Ahitub a kasha, hpa hkai lawng hpai ai hkinjawng Ahiya mung lawm nga ai.) Yonahtan pru mat wa ai hpe dai masha ni kadai mung n chye dat ma ai.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.

1 SAMUELA 3:12

Dai shani e, Eli a dinghku hpe ninghkap na matu, ngai jahkrit shama ai lam yawng nnan hpang ai kaw nna ngut kre ai aten du hkra ngai shapraw dan na we ai.

1 SAMUELA 4:11

Karai Kasang a Ga Shaka Sumpu mung la kau ya hkrum ai hte Eli a kasha Hopni yan Hpineha shan lahkawng sat kau hkrum ma ai.

1 SAMUELA 4:22

Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.