1 SAMUELA 4:19 - Jinghpaw Common Language Bible 2009

¹⁹ Ya, Eli a kanam, Hpineha a madu jan gaw na-um nasin hkum rai nna ma shangai na nhtoi gu wa magang ra ai. Karai Kasang a Ga Shaka Sumpu rim la kau hkrum sai lam mung, shi a kagu hte shi a madu wa si mat sai lam ni hpe mung shi na ai shaloi, akajawng sha shinggyim machyi ai hte shangai chyinghkai ya wu ai.

Jinghpaw Hanson Version Bible

¹⁹ Ya Eli kanam, Hpineha a madu jan na-um nasin hkum nhtoi gu wa sai rai nna, Karai Kasang a sumpu hpyen lata shang mat ai hte kagu yan madu wa si mat ai lam na jang, shinggyim machyi hkrum rau nna, mashi dingkaw let kasha shangai wu ai.

1 SAMUELA 4:19 ပူးပေါင်းရင်းမြစ်များ

NINGPAWT NINGHPANG 3:16

Shi gaw numsha hpe mung, “Na a na-um nasin re ai tsin-yam hte shinggyim machyi ai nchyi nmu lam hpe ngai shalaw ya na nngai. Dai zawn hkrum hkra nga ti mung, nang gaw na a madu wa hta myit manoi nga nna, shi mung na a ntsa e up nga na ra ai,” ngu nna tsun wu ai.

NINGPAWT NINGHPANG 35:17

Shing rai shangai yak nga yang, shangai karum ai jan gaw, “Hkum hkrit et; shadang sha langai nang bai lu nit dai,” ngu nna shi hpe tsun wu ai.

1 HKAWHKAM 14:1

Dai aten hta Hkawhkam Yeroboam a kasha Abiya machyi nga ai.

SHAKAWN KUNGDAWN 78:64

Hkinjawng ni mung kashun kashe du daw sai hkaw re ai amu hta si mat nga ma ai; shanhte a gaida jan ni hpe hkrap ngu hkrap ngoi na ahkang n jaw wu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

1 SAMUELA 4:18

Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.

1 SAMUELA 4:20

Shi si wa magang yang, numsha ni shi hpe karum la let, “Masin shaja u! Nang shadang sha langai shaprat nit dai,” ngu nna tsun ma ai. Rai ti mung, shi gaw hpa zawn mung n nawn ai hte n htan ya nga nu ai.