1 SAMUELA 4:18 - Jinghpaw Common Language Bible 2009

¹⁸ Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.

Jinghpaw Hanson Version Bible

¹⁸ Karai Kasang a sumpu a lam na jang, Eli gaw, chyinghka makau e shi dung ai tingnyang nna shingdu de nga hkrat wa ai hte du daw nna si mat ai: kaning rai nme law, shi gaw asak kaba sai hte hkum majun ai wa rai nga ai. Shi gaw mali shi ning ting Israela amyu hpe tara dara ya wu ai.

1 SAMUELA 4:18 ပူးပေါင်းရင်းမြစ်များ

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

TARA AGYI 15:20

Hpilisti masha ni dai mung hpe up nga yang, Samson mung Israela hpe hkun ning tup woi awn nga ai.

1 SAMUELA 4:13

Eli mung Ga Shaka Sumpu a majaw grai myit tsang ai hte lam makau na dung shara langai mi a ntsa hta dung nga let azi yu nga ai. Dai wa mare ting de ashi wa shamawng dat wu ai majaw, hkrit gari ai hte jahtau hkrap nga ma ai.

1 SAMUELA 4:17

Kasa wa gaw, “Israela gaw Hpilisti masha ni kaw na kagat hprawng mat masai; dai gaw anhte a matu hkrit hpa sum kaba rai nga mali ai! Dai sha n-ga, na a kasha Hopni hte Hpineha yan mung sat kau hkrum nga masai; Karai Kasang a Ga Shaka Sumpu mung rim la kau hkrum nga sai!,” ngu nna htan wu ai.

1 SAMUELA 4:19

Ya, Eli a kanam, Hpineha a madu jan gaw na-um nasin hkum rai nna ma shangai na nhtoi gu wa magang ra ai. Karai Kasang a Ga Shaka Sumpu rim la kau hkrum sai lam mung, shi a kagu hte shi a madu wa si mat sai lam ni hpe mung shi na ai shaloi, akajawng sha shinggyim machyi ai hte shangai chyinghkai ya wu ai.