1 SAMUELA 31:9 - Jinghpaw Common Language Bible 2009

⁹ Shanhte gaw Shawlu a baw daw la nhtawm, shi a hpyen palawng ni raw la nna shanhte a hpara sumla ni hpe mung, shanhte a mung masha ni hpe mung dai awng padang shiga a lam tsun dan na matu dai arai ni hte hpawn Hpilisti mung ting de kasa ni hpe shangun dat ma ai.

Jinghpaw Hanson Version Bible

⁹ Shawlu a baw hpe shanhte daw la kau nhtawm, shi a hpyen palawng raw la nna, shanhte a sumla hpara jawng hkan e mung, masha ni a man e mung kajai gumhkawng na matu, Hpilisti mung grup yin hkan e shagun dat mu ai.

1 SAMUELA 31:9 ပူးပေါင်းရင်းမြစ်များ

2 SAMUELA 1:20

Dai ashi hpe Gat mare hkan hkum tsun ndau mu; Ashkelon mare lam hkan e hkum kajai myit. Hpilisti numsha ni hpe hkum kabu shangun myit; tara maigan masha ni a shayi sha ni hpe hkum gara shangun nga myit.

1 SAMUELA 17:51

Dawi gaw shi kaw kagat sa nhtawm shi a makau e tsap let, n-ga na Goliat a nhtu shaw la nhtawm shi a baw hpe kahtam di nna shi hpe sat kau da wu ai. Hpilisti masha ni mung shanhte a share ninghkrin wa si mat sai hpe mu ma ai shaloi, hprawng htaw mat wa ma ai.

1 SAMUELA 17:54

Dawi chyawm gaw Goliat a baw hpe Yerusalem mare de la wa wu ai; rai ti mung Goliat a laknak arai ni hpe chyawm gaw shi a sum hta nan mazing tawn da wu ai.

1 SAMUELA 31:4

Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.

1 SAMUELA 31:8

Majan a hpang shani e, si mang ni hta na lanep hpyu la na nga pru sa wa ma yang, Shawlu a moi mang hte shi a kasha masum Gilaboa Bum ntsa e si taw nga ai hpe shanhte mu ma ai.