1 SAMUELA 31:7 - Jinghpaw Common Language Bible 2009

⁷ Israela hpyen luksuk ni hprawng mat ma ai hte Shawlu hte shi a kasha ni sat kau ai hkrum sai lam hpe Yezrela Kadit a wora maga mi de nga ai Israela amyu masha ni hte Yawdan hka a sinpraw hkran de na ni na ma ai shaloi, shanhte a mare ni hpe kau da nhtawm hprawng mat wa ma ai. Dai hpang Hpilisti masha ni dai mare ni hpe sa madu la kau ma ai.

Jinghpaw Hanson Version Bible

⁷ Ya Israela masha ni hprawng mat ma ai hte, Shawlu mung, shi a kasha ni mung si mat ma ai gaw, dai hkaraw wora hkran hte Yawdan hka sinpraw maga na Israela masha ni mu mu yang, shanhte gaw tinang a mare kahtawng ni hpe kau da ma ai rai nna, Hpilisti masha ni sa de nga ma ai.

1 SAMUELA 31:7 ပူးပေါင်းရင်းမြစ်များ

JAW JAU 26:32

Nanhte a mungdan hpe ngai akrin atsai di kau nhtawm dai mungdan hpe sa ka-up la ai gumlau hpyen ni pyi dai hten za lam a majaw mau kajawng mat na mara ai.

JAW JAU 26:36

“Ngai gaw nanhte hta na kaga mung de gau kau hkrum ai ni hpe ja ja hkrit shangun na nngai; lahpraw lahpra shara ai nsen hte sha pyi nanhte hpe hprawng shangun na nngai. Nanhte gaw majan hta shachyut hkrum ai ni zawn hprawng mat wa nna nanhte hpang de kadai gumlau hpyen ni mi n shani sa ti mung kataw na marin dai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA AGYI 6:2

Dai Midian masha ni gaw Israela masha ni hta grau n-gun ja nga ma ai rai nna, Israela amyu masha ni mahtang lungpu hku ni hte bum lang kawng jinghkang hkan na shim ai shara ni hkan makoi gyem nga ma ai.

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;

1 SAMUELA 13:7

kaga nkau mi chyawm gaw Yawdan hka rap nna Gad hte Gilead a mung ni hkan hprawng makoi nga ma ai. Shawlu gaw Gilgala e naw nga nga ai rai nna, shi hte rau nga nga ai amyu masha ni mahtang hkrit gari nga ma ai.

1 SAMUELA 31:6

Dai gaw Shawlu mung, shi a kasha masum hte shabrang wa si mat ai lam rai nga ai. Shawlu a masha ni yawng mung dai shani e si mat shajang ma ai.

1 SAMUELA 31:8

Majan a hpang shani e, si mang ni hta na lanep hpyu la na nga pru sa wa ma yang, Shawlu a moi mang hte shi a kasha masum Gilaboa Bum ntsa e si taw nga ai hpe shanhte mu ma ai.