1 SAMUELA 31:4 - Jinghpaw Common Language Bible 2009

⁴ Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.

Jinghpaw Hanson Version Bible

⁴ Dai rai nna Shawlu gaw shi a ri nhtu gun hpai ai wa hpe, “Ndai matu n gadoi ai ni gaw ngai e na sa galun lu nna ngai e n roi lu ma ai du hkra, na nhtu shaw nna ngai e galun ya e,” ngu wu timung, dai wa gaw grai hkrit nga ai majaw n hkraw nga ai. Dai rai nna Shawlu gaw shi a nhtu dai la nna, dai hta abraw ju si wu ai.

1 SAMUELA 31:4 ပူးပေါင်းရင်းမြစ်များ

2 SAMUELA 1:1

Shawlu si mat ai hpang, Dawi gaw Amalek masha ni hpe gasat dang nna bai nhtang wa let Ziklag mare e lahkawng ya wa nga nga wu ai.

2 SAMUELA 1:14

Dawi gaw shi hpe, “Dai Madu lata san da sai hkawhkam wa hpe nang kaning di sat gwi nga n ta?,” ngu nna san wu ai.

2 SAMUELA 1:20

Dai ashi hpe Gat mare hkan hkum tsun ndau mu; Ashkelon mare lam hkan e hkum kajai myit. Hpilisti numsha ni hpe hkum kabu shangun myit; tara maigan masha ni a shayi sha ni hpe hkum gara shangun nga myit.

2 SAMUELA 1:6

Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 21:12

Gilead mung e nga ai Yabesha masha ni a lata hta nga ai Shawlu hte shi a kasha Yonahtan a nrut nra ni hpe sa la da wu ai. (Ya Yabesha masha ni gaw Gibeon bum ntsa e Hpilisti masha ni Shawlu hpe sat kau nhtawm shi a moi mang hpe noi kau da ai Bet Shan shawa shara pa kaw na sa lagu tawn da nga ma ai.)

1 HKAWHKAM 16:18

Dai mare hkrat mat ai hpe Zimri mu jang, hkawhkam htingnu a kata hpyen dap de shang sa nhtawm dai hkawhkam htingnu hpe nat kau ai hte shi mung dai wan shinglet hta galip si mat wu ai.

1 HKAWHKAM 16:27

Omri galaw nu ai lam magup hte shi shangut shakre da lu ai amu yawng a lam hpe Israela Hkawhkam ni a Labau Laika hta ka matsing da nga ai.

1 HKAWHKAM LABAU 10:4

Shi gaw shi a laknak hpai ya ai shabrang wa hpe, “Na a nhtu shaw la nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung dai shabrang wa mahtang shing re ai amu galaw na matu gaw grai hkrit gari nga wu ai. Shaloi Shawlu gaw shi a nhtu shaw la nhtawm shi hkum nan dai hta abraw si mat wu ai.

TARA AGYI 14:3

Rai ti mung shi a kanu yan kawa chyawm gaw shi hpe, “Nang gaw hpa majaw madu jan langai lu la na matu tara maigan amyu Hpilisti masha ni kaw sa ra nga n ni? Nang gaw anhte a lakung lama hta na mung, anhte a amyu masha ni yawng hta na numsha langai mi hpe mung n mu tam lu sani?,” ngu nna san wu ai. Rai ti mung Samson gaw shi a kawa hpe, “Nye a matu nan hpyi ya na ngai ra sharawng ai gaw shi langai sha rai nga ai. Ngai shi hpe ra nngai,” ngu nna tsun wu ai.

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.

1 SAMUELA 26:10

Dawi gaw, “Dai Madu ahkrung nga ai hte maren, dai Madu nan Shawlu hpe sat kau na ra ai; shing n rai shi a aten du jang, shingra htung hte maren si na ra ai, shing n rai, majan hta si mat na ra ai.

1 SAMUELA 31:5

Shawlu si mat sai hpe dai shabrang wa mu ai shaloi, shi mung shi a nhtu hta abraw ju la nna Shawlu hte rau si wu ai.