1 SAMUELA 31:12 - Jinghpaw Common Language Bible 2009

¹² magrau grang htum ai masha ni gaw Bet Shan mare de shana tup rawt sa mat wa ma ai. Shaloi shanhte gaw mare bunghku e dit noi da ai Shawlu hte shi a kasha ni a moi mang ni hpe shayu la nhtawm Yabesha mare de bai la wa ma ai rai nna dai yang e shanhte hpe nat kau ma ai.

Jinghpaw Hanson Version Bible

¹² share ni mahkra shana yuptung e rawt nna, Shawlu hte shi a kasha ni a mang ni hpe Bet-shan bunghku na shayu nna, Yabesha mare de hpai wa nhtawm wan hte nat makoi kau mu ai.

1 SAMUELA 31:12 ပူးပေါင်းရင်းမြစ်များ

1 HKAWHKAM LABAU 10:12

Magrau grang htum ai masha ni sa nna Shawlu hte shi a shadang sha ni a moi mang ni hpe shayu la nhtawm Yabesha mare de la wa ma ai. Shanhte gaw dai yang na wamyi hpun npu e shanhte hpe lup makoi nhtawm sanit ya tup lusha gam nga ma ai.

2 HKAWHKAM LABAU 16:14

Dawi a Mare hta shi a matu shi tawk da ai lungrawk lup hta lup makoi da ma ai. Shanhte gaw shi hpe lup makoi na matu shi a moi mang hpe manam pyaw ai namji namya ni hte namman sau ni lang nna hkyen lajang da ma ai. Shi si mat ai a majaw yawn hkyen ai kumla hku nna grai kaba ai wan nat poi mung galaw ma ai.

YEREMIA 34:5

Nang gaw ngwi pyaw sim sa ai hte si wa nna, amyu masha ni gaw na a shawng na na a nji nwa hkawhkam ni hpe lup makoi ai shaloi, manam pyaw ai baw nat nawng mu ai zawn, amyu masha ni gaw dai hte maren, na a matu manam pyaw ai baw nat nawng na mara ai. Shanhte gaw na a matu sharung shayawt nna, ‘Anhte a hkawhkam wa si mat sahka!,’ nga nna tsun na mara ai. Dai Madu ngai nan tsun ni ai,” ngu nna tsun ai.

AMO LAIKA (AMOS) 6:10

Si mat sai wa a jinghku, makoi mayang poi hpareng ai wa gaw nta nhku de shang nna moi mang la shapraw na ra ai. Dai jinghku wa gaw nta nhku de naw nga nga ai wa hpe shaga dat nna, “Nang hte rau langai wa mi naw nga a ni?,” ngu nna san dat wu ai. Dai masha wa gaw, “N nga sai!,” ngu nna htan dat na ra ai. Dai shaloi jinghku wa gaw, “Nang azim sha nga u! Anhte gaw dai Madu a amying hpe tsun na matu pyi sadi ra nga ga ai.

1 SAMUELA 31:10

Dai hpang, shi a laknak ni hpe karai num Astarte a htingnu kata hta tawn da nhtawm shi a moi mang hpe gaw Bet Shan mare bunghku hta dit jung da ma ai.