1 SAMUELA 31:1 - Jinghpaw Common Language Bible 2009

¹ Hpilisti masha ni gaw Israela amyu masha ni hpe Gilaboa Bum ntsa e sa gasat ma ai. Dai yang e, Israela amyu masha ni law law sat kau ai hkrum nga ma ai; ngam nga ai ni hta Hkawhkam Shawlu hte shi a kasha ni du hkra hprawng mat wa ma ai.

Jinghpaw Hanson Version Bible

¹ Ya Hpilisti masha ni Israela masha ni hpe gasat mu ai: Israela masha ni mahtang masha hpyen ni a man e hprawng nna, Gilaboa bum ga hkan e hkala nba hkrum ai hte si shajang ma ai.

1 SAMUELA 31:1 ပူးပေါင်းရင်းမြစ်များ

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

2 SAMUELA 1:6

Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 4:4

Shawlu a amyu matu hta na kaga langai mi gaw Shawlu yan Yonahtan sat kau hkrum ai shaloi asak manga ning kaba sai Yonahtan a kasha Mehpiboshet rai nga ai. Yezrela mare kaw na shan sat kau hkrum sai shiga du jang, ma hpe yu gawn ai jan mung shi hpe hta pawn la nna woi hprawng mat wa wu ai. Rai ti mung hprawng wa yang nau tin kau ai majaw shi hpe tat jahkrat kau ai hte ma mung lagaw hten mat wu ai.

1 SAMUELA 12:25

Rai ti mung nanhte yubak naw matut galaw myit yang gaw nanhte mung, nanhte a hkawhkam mung shamyit kau ai hkrum na marin dai,” ngu nna tsun wu ai.

1 SAMUELA 28:1

Ya aten ram ram na mat ai hpang, Hpilisti masha ni gaw Israela hpe gasat na nga, shanhte a hpyen hpung ni hpe jahpawng da ma ai; Ahkisha mung Dawi hpe, “Nang hte na a masha ni nye a maga de tsap nna majan gasat ra na rai myit dai hpe nang teng teng chye na hkawn hkrang da ra nga ndai,” ngu nna tsun wu ai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

1 SAMUELA 28:19

Nang hte nawng Israela amyu hpe Hpilisti masha ni a lata de shi ap kau na ra ai; hpawt de nang hte na a shadang sha ni mung ngai hte rau nga lu na marin dai, dai Madu gaw Israela hpyen luksuk hpe Hpilisti masha ni a lata de ap kau na rai wu ai,” ngu nna tsun wu ai.

1 SAMUELA 28:4

Hpilisti hpyen hpung ni hpawng nna Shunem mare makau e dap jung tawn ma ai; Shawlu mung Israela masha ni hpe shinggyin la nna Gilaboa Bum e dap jung tawn wu ai.

1 SAMUELA 29:1

Israela amyu masha ni Yezrela Kadit na hka hpawk makau e dap jung nga ma yang, Hpilisti masha ni mung shanhte a hpyen hpung ni yawng hpe Ahpek shara e woi hpawng tawn da ma ai.