1 SAMUELA 30:8 - Jinghpaw Common Language Bible 2009

⁸ Dawi gaw dai Madu hpe, “Ndai zawn shang hpya ai masha ni a hpang ngai hkan mai na a ni? Shanhte hpe hkan shachyut dep lu na kun?,” ngu nna san wu ai. Shaloi dai Madu gaw, “Shanhte kaw hkan su; shanhte hpe hkan dep nna, bawng masha ni hpe bai lu mawai la lu na rai ndai,” ngu nna htan wu ai.

Jinghpaw Hanson Version Bible

⁸ Shaloi Dawi gaw, Yehowa hpe, “Ngai dai hpyen laba ni hpe hkan shachyut yang, dep lu na kun?” Ngu nna san wu ai: Yehowa gaw, “Hkan shachyut u; nang shanhte hpe gaja wa teng teng dep lu na rin dai; gaja wa teng teng arai yawng bai lu la na rin dai,” ngu nna shi e htan wu ai.

1 SAMUELA 30:8 ပူးပေါင်းရင်းမြစ်များ

NINGPAWT NINGHPANG 14:16

Hoba mare du hkra hkan shachyut ma ai rai nna, shanhte la mat wa sai arai ni yawng hpe nhtang la lu ma ai. Shi gaw shi a kanau a kasha Lawt hte shi a arai ni hpe mung, numsha ni hte hpawn kaga bawng masha ni hpe mung bai woi la lu nga ma ai.

2 SAMUELA 5:19

Dawi gaw dai Madu hpe, “Hpilisti masha ni hpe sa gasat lu na rai ni? Nang ngai hpe awng padang jaw ya na n ni?,” ngu nna san wu ai. Dai Madu mung, “Rai sa, htim gasat su! Ngai nang hpe awng padang jaw na de ai!,” ngu nna htan wu ai.

2 SAMUELA 5:23

Dawi gaw kalang mi bai dai Madu hpe san yu wu yang, “Ndai yang kaw nna shanhte hpe hkum gasat; rai ti mung shinggrup da nhtawm balsam hpun ni tu nga ai makau htep kaga maga hku nna shanhte hpe htim gasat na shajin da u.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

PRU MAT 15:9

Gumlau hpyen wa gaw, ‘Ngai shanhte hpe hkan shachyut nna rim la na we ai; ngai gaw shanhte a sut gan hpe garan kau nna, ngai ra ai yawng la kau na we ai; Nye a nhtu shaw nna shanhte lu ai arai yawng hte hpe htawm la na we ai,’ ngu nna tsun wu ai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

TARA AGYI 8:4

Dai aten hta Gidon hte shi a masha masum tsa hte gaw Yawdan hka de sa nna dai hka hpe rap ma ai. Shanhte gaw ba kalawp nga ma ti mung, gumlau hpyen ni hpe naw hkan shachyut ma ai.

1 SAMUELA 10:22

shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

1 SAMUELA 14:37

Dai rai nna, Shawlu gaw Karai Kasang hpe, “Ngai Hpilisti masha ni hpe gasat na rai ni? Anhte hpe awng padang jaw na n ni?,” ngu nna san wu ai. Rai ti mung Karai Kasang chyawm gaw dai shani e n htan ya wu ai.

1 SAMUELA 23:2

Dai rai nna, shi gaw dai Madu hpe, “Hpilisti masha ni hpe ngai sa gasat na kun?,” ngu nna san wu ai. Dai Madu mung, “Rai sa, shanhte hpe sa gasat nhtawm Kila masha ni hpe hkye la su,” ngu nna htan wu ai.

1 SAMUELA 23:4

Dai re ai majaw, dai Madu hpe Dawi lang mi bai san yu wu ai rai nna, dai Madu gaw shi hpe, “Hpilisti masha ni hpe gasat dang lu ai awng padang ngai nang hpe jaw ya na de ai majaw Kila mare hpe sa htim gasat u,” ngu nna tsun wu ai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.

1 SAMUELA 30:18

Dawi chyawm gaw shanhte woi mat wa ai masha shagu hte hpe mung, Amalek masha ni magawn mat wa ai lanep arai shagu hte hpawn shi a madu jan yan hpe mung hkye mawai la lu nga wu ai;

1 SAMUELA 30:19

dai arai ni hpa mung n mat nga ai. Dai rai nna Dawi a masha ni a shayi shadang sha ni yawng hte Amalek masha ni magawn mat wa ai lanep arai ni yawng hpe shi bai lu la da wu ai.