1 SAMUELA 30:6 - Jinghpaw Common Language Bible 2009

⁶ Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.

Jinghpaw Hanson Version Bible

⁶ Dawi mung nachying myit yawn myit yak nga ai; kaning rai nme law, mare masha ni gaw, tinang a kashu kasha ni a majaw myit yawn nna, Dawi hpe nlung hte jawm kabai sat na tsun nga ma ai: Dawi chyawm gaw, shi a Karai Kasang Yehowa hta n-gun da ting wu ai.

1 SAMUELA 30:6 ပူးပေါင်းရင်းမြစ်များ

NINGPAWT NINGHPANG 32:7

Yaku gaw hkrit kahpra ai hte myit ru nga wu ai. Shi kaw hkan nang ai masha ni hte shi a sagu, bainam, dumsu hte gawla-uk ni hpe mung hpung lahkawng di nna garan tawn da wu ai.

2 SAMUELA 17:8

Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

2 HKAWHKAM 4:27

rai ti mung Elisha kaw shi du jang, shi a lagaw hpe ginshum nna shi a man e dingnyawm wu ai. Shaloi Gehazi mahtang dai numsha hpe kanawng kau na hkyen wu ai; rai ti mung Elisha gaw, “Shi nga nga u ga. Shi gaw grai myit machyi hkra mat hkra tsin-yam tsindam hkrum sha nga ai hpe nang n mu n ni? Dai Madu mung dai hte seng ai amu ngai hpe n tsun da nga ai.

YOBA 13:15

Karai kasang ngai hpe sat ai rai yang, myit mada shara mahkra n nga mat na n rai ni? ngai gaw nye a amu hpe shi a man e tsun dan na nngai.

SHAKAWN KUNGDAWN 116:10

“Ngai gaw tsep kawp agrawp mani kau ai hkrum nga nngai,” nga nna tsun nga ai shaloi pyi, ngai kam sham nga dingyang naw rai nga nngai.

SHAKAWN KUNGDAWN 138:3

Nang hpe ngai shaga yang, nang ngai hpe htan ya nit dai; na a n-gun hte ngai hpe n-gun shaja ya nit dai.

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 18:6

Nye a ru tsang ai hta, ngai gaw Madu hpe shaga nna; karum la na matu, nye a Karai Kasang hpe ngai shaga we ai. Shi a Htingnu hta, nye a nsen hpe shi na ya nna; karum la na matu, ngai hpyi jahtau ai nsen hpe shi madat ya ni ai.

SHAKAWN KUNGDAWN 25:17

Nye a myit ru myit tsang ai lam ni hpe hkyamsa jaw ya e, ru tsang lam yawng mayawng kaw na ngai hpe hkye hkrang la e law.

SHAKAWN KUNGDAWN 27:14

Madu hpe kam hpa nga u. Kam sham nga u, myit hkum htum et; Madu hpe kam hpa nga u.

SHAKAWN KUNGDAWN 31:24

Madu hta myit mada nga ai ni yawng hte e, n-gun shaja nna, nden marai rawng nga mu.

SHAKAWN KUNGDAWN 42:11

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hpe myit mada nga let, nye a hkye la Madu hte nye a Karai Kasang hpe kalang mi bai shakawn na ring ngai.

SHAKAWN KUNGDAWN 42:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai, shakawn na ring ngai.

SHAKAWN KUNGDAWN 56:11

Shi hpe ngai kam nngai majaw, ngai hkrit tsang nga na n rai. Shinggyim masha sha gaw ngai hpe hpa di lu na rai nga a ta?

SHAKAWN KUNGDAWN 62:1

Karai Kasang ngai hpe hkye hkrang la na matu, ngai amu sha hte ala nga nngai; Ngai gaw shi hpe chyu sha kam hpa manoi nga nngai.

SHAKAWN KUNGDAWN 62:5

Ngai gaw Karai Kasang hta chyu sha, manoi gumgoi nga nngai; ngai shi hpe myit mada nngai.

SHAKAWN KUNGDAWN 71:4

Nye a Karai Kasang e, tara n lang ai masha ni, n hkru ai masha ni hte mazut ai masha ni a n-gun atsam kaw na ngai hpe mawai la e.

SHAKAWN KUNGDAWN 71:5

Grau Htum ai Madu e, nang hpe ngai myit mada nga nngai; ngai naw kaji nga ai aten kaw nna, nang hta ngai kam hpa nga ni ai.

PRU MAT 17:4

Mawshe mung dai Madu hpe akroi anoi hpyi nem nhtawm, “Ndai amyu masha ni hte ngai kaning di lu na rai nga a ta? Shanhte ngai hpe nlung hte ganoi noi kabai sat hkyen nga masai,” ngu nna tsun wu ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YONA 2:2

“O Madu e, nye a ru tsang ai kata kaw na, ngai nang hpe shaga nngai, nang gaw nye a ga hpe htan ya nit dai. Katsan ga kata kaw na, ngai hpe karum la na matu jahtau ai shaloi, nye a nsen hpe nang na nit dai.

BU HKAWM 14:10

Shawa hpung ting chyawm gaw shan hpe nlung hte kabai sat na hku jahkrit ma ai. Rai ti mung htoi tu ai dai Madu a hpung shingkang gaw Sum ntsa e dan hkung nga ai hpe amyu masha ni akajawng sha mu ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 27:22

Pilat gaw, “Dai rai yang gaw, Meshia ngu ai Yesu hpe ngai kaning di na we ta?,” ngu nna shanhte hpe san mu ai. Shanhte yawng, “Wudang hta jen sat kau u!,” ngu ma ai.

YAWHAN 8:59

Shaloi shanhte gaw shi hpe kabai na nga, lungdin ni hta la ma ai; rai ti mung Yesu gaw makoi let Nawku Htingnu na pru mat wa ai.

ROMA 4:18

Abraham gaw myit mada shara n nga sai aten hta pyi, Karai Kasang hpe kam sham let myit mada wu ai rai nna shi gaw amyu law law a kawa tai wa sai. Dai gaw Chyum Laika hta, “Na a nshu nsha ni gaw lamu na shagan ni zawn law htam na mara ai,” nga nna ka da ai hte maren rai nga ai.

ROMA 4:20

Shi gaw galoi mung Karai Kasang a ga sadi hpe kam shut ai hte n di n da n re ai sha, Karai Kasang hpe kam hpa ai lam n kabai kau wu ai hta n ga shi a makam masham gaw shi hpe n-gun atsam jahpring ya nga ai rai nna shi Karai Kasang hpe shakawn kungdawn wu ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 1:6

Dai rai nna anhte hta tsin-yam tsindam hkrum yang, dai gaw nanhte a matu shalan shabran ai chyeju hte hkye hkrang la ai lam hkam la na matu rai nga ai. Anhte hta shalan shabran ai chyeju hkam la lu ga yang gaw, nanhte mung anhte hte maren, dai chyeju hpe hkam la lu nna, anhte hkam sharang ai nni nkri hpe nanhte myit galu ai hte hkam sharang lu na n-gun lu la myit dai.

2 KORINHTU 4:8

Anhte gaw ya sha ya sha ru yak jam jau hkrum ga ai. rai ti mung agrawp kau hkrum ga ai n rai; kalang lang ung ang mat ga ai, rai ti mung myit htum mat ga ai n rai;

2 KORINHTU 7:5

Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

TARA AGYI 18:25

Dan a masha ni mung, “Nang hpa mung n shaga ai nga yang grau kaja na ndai; ndai masha ni masin pawt wa nna nang hpe htim gasat kau na mara ai. Shaloi nang hte na a dinghku masha ting si mat na rai myit dai,” ngu nna tsun ma ai.

TARA AGYI 20:22

Israela masha ni gaw nawku ai shara de sa nhtawm dai Madu a man e shana de du hkra sharung shayawt nga ma ai. Shanhte gaw shi hpe, “Anhte a kanau Benyamin amyu matu ni hpe ya kalang mi bai sa gasat mai nga ga ni?,” ngu nna san ma ai. Dai Madu mung, “Sa gasat mu,” ngu nna htan wu ai. Dai rai nna Israela hpyen luksuk gaw myit n-gun lu la ai hte shawng shani e shanhte sa gasat ai shara hta nan shanhte a hpyenla ni hpe sa tawn da ma ai.

1 SAMUELA 23:16

Yonahtan mung dai yang e nga ai Dawi hpang de sa nhtawm Karai Kasang a makawp maga ai chyeju teng teng hkam la lu na lam, shi hpe n-gun jaw let,

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.