1 SAMUELA 30:22 - Jinghpaw Common Language Bible 2009

²² Rai ti mung, Dawi hte rau hkawm sa ai ni hta na angawk ai hte n hkru ai masha nkau mi mahtang, “Shanhte gaw anhte hte rau n sa ma ai majaw lanep arai hpa mung shanhte hpe jaw lu na ga ai n rai. Shanhte a madu jan ni hte kashu kasha ni hpe sha woi nna wa mat mu ga,” ngu nna tsun ma ai.

Jinghpaw Hanson Version Bible

²² Shaloi Dawi kaw hkan nang ai ni hta na n hkru ai masha nlang hte gaw, “Ndai ni, anhte hte rau n sa ai majaw, anhte lu la ai lanep hta na, shanhte a madu jan kasha ni hta kaga, arai gale shanhte hpe n jaw na re ai; tinang a madu jan kasha ni sha woi la nna wa mu ga,” nga ma ai.

1 SAMUELA 30:22 ပူးပေါင်းရင်းမြစ်များ

1 HKAWHKAM 21:10

Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.”

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

MAHTE 7:12

“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai.

TARA JAHPRANG 13:13

lachyum n pru ai masha amyu nkau mi mahtang shawng de nanhte kalang mi mung n nawku yu ai karai ni hpe nawku ga nga, shanhte a mare masha ni hpe lam woi shadam kau ai shiga na lu na rai myit dai.

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.

1 SAMUELA 22:2

Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

1 SAMUELA 25:17

Chyeju hte ndai lam hpe myit yu nna kaning rai galaw na lam daw dan hparan ya mi. Ndai amu gaw anhte a madu hte shi a dinghku masha ni yawng a matu tsin-yam tsindam shapraw ya lu nga ai. Shi mahtang grai n hkru ai wa rai nna kadai tsun ai ga hpe mung n kaw madat ya nga ai!,” ngu nna tsun wu ai.

1 SAMUELA 25:25

Chyeju hte Nabala hpe hpa mung hkum sawn la ya e; shi gaw hpa n hkaw ai wa rai nga ai! Shi gaw shi a mying hte shabung nna angawk ai wa she rai nga ai! Madu e, na a shangun ma ni du ai aten hta ngai dai yang e n nga nga nngai.

1 SAMUELA 30:21

Dai hpang, hki ba nna n hkan nang lu sai majaw Besora hka shi e hti ngam nga ai marai lahkawng tsa nga ai de Dawi nhtang wa wu ai. Shanhte mung Dawi hpe sa tau la na nga, shawng de pru sa ma yang, Dawi mahtang shanhte kaw lung wa nna shanhte hpe tsaw ra ai hte shakram la wu ai.

1 SAMUELA 30:23

Rai ti mung, Dawi chyawm gaw, “Nye a hpu nau ni e, dai Madu anhte hpe jaw ya sai dai lanep arai hpe nanhte dai hku lu galaw na myit dai n rai! Shi she anhte hpe shim lum ai hte bau sin nna, shang hpya la ai masha ni hpe dang kau lu na awng padang jaw ya mi ai re.