1 SAMUELA 30:20 - Jinghpaw Common Language Bible 2009

²⁰ Shi gaw gawt wa ai sagu dumsu hpung ni hpe la wu ai. Shi a masha ni gaw shi a shawng e gawt wa nna, “Ndai gaw Dawi madu da nga sai,” ngu nna tsun ma ai.

Jinghpaw Hanson Version Bible

²⁰ Dawi mung, gawt wa ai sagu dumsu hpung ni hta na, shawng de jahtum ai hpung hpe la nna, “Ndai gaw Dawi a lanep rai nga ai,” ngu wu ai.

1 SAMUELA 30:20 ပူးပေါင်းရင်းမြစ်များ

2 HKAWHKAM LABAU 14:15

Shanhte gaw sagu rem ai ni a dap dabang ni hpe gasat ma ai rai nna sagu hte gawla-uk law law rim la ma ai. Dai hpang Yerusalem mare de shanhte bai nhtang mat wa ma ai.

2 HKAWHKAM LABAU 20:25

Yehoshahpat hte shi a hpyen hpung ni gaw lanep hta la na nga, sit sa wa ma ai rai nna dumsu ni, arung arai ni, hpun palawng hte kaga manu dan ai arung arai law law sa mu tam la ma ai. Shanhte gaw dai lanep arai ni hpe masum ya tup hpyu shinggyin la ma timung arung arai nau law ai majaw arai magup hte hpe shanhte n lu la wa nga ma ai.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 SAMUELA 30:21

Dai hpang, hki ba nna n hkan nang lu sai majaw Besora hka shi e hti ngam nga ai marai lahkawng tsa nga ai de Dawi nhtang wa wu ai. Shanhte mung Dawi hpe sa tau la na nga, shawng de pru sa ma yang, Dawi mahtang shanhte kaw lung wa nna shanhte hpe tsaw ra ai hte shakram la wu ai.

1 SAMUELA 30:26

Dawi gaw Ziklag mare de nhtang wa ai shaloi, “Dai Madu a gumlau hpyen ni kaw na anhte la wa ai lanep ni hta na ndai gaw nanhte a matu san san jaw ya ai kumhpa rai nga ai,” ngu nna shi a manaw manang ni hpe mung, Yuda ningbaw ni hpe mung dai lanep daw chyen mi hte hpawn shi a mungga hte htet shabra dat wu ai.