1 SAMUELA 30:18 - Jinghpaw Common Language Bible 2009

¹⁸ Dawi chyawm gaw shanhte woi mat wa ai masha shagu hte hpe mung, Amalek masha ni magawn mat wa ai lanep arai shagu hte hpawn shi a madu jan yan hpe mung hkye mawai la lu nga wu ai;

Jinghpaw Hanson Version Bible

¹⁸ Amalek masha ni magawn wa ai lanep mahkra mung, Dawi bai lu la wu ai; shi a madu jan lahkawng hpe mung hkye la lu wu ai.

1 SAMUELA 30:18 ပူးပေါင်းရင်းမြစ်များ

NINGPAWT NINGHPANG 14:16

Hoba mare du hkra hkan shachyut ma ai rai nna, shanhte la mat wa sai arai ni yawng hpe nhtang la lu ma ai. Shi gaw shi a kanau a kasha Lawt hte shi a arai ni hpe mung, numsha ni hte hpawn kaga bawng masha ni hpe mung bai woi la lu nga ma ai.

YEREMIA 41:12

Dai rai nna, shanhte gaw shanhte a masha ni hte shi a hpang hkan shachyut nang ma yang, Gibeon mare na hka lawng kaba makau e hkan dep nang ma ai.

BU HKAWM 31:49

“Madu e, anhte up hkang ai npu na hpyenla ni hpe hti yu ga yang, langai mi mung n mat nga ai.

1 SAMUELA 30:8

Dawi gaw dai Madu hpe, “Ndai zawn shang hpya ai masha ni a hpang ngai hkan mai na a ni? Shanhte hpe hkan shachyut dep lu na kun?,” ngu nna san wu ai. Shaloi dai Madu gaw, “Shanhte kaw hkan su; shanhte hpe hkan dep nna, bawng masha ni hpe bai lu mawai la lu na rai ndai,” ngu nna htan wu ai.