1 SAMUELA 30:17 - Jinghpaw Common Language Bible 2009

¹⁷ Dawi mung shawng jahpawt kaw nna hpang shana de du hkra shanhte hpe gasat ma ai rai nna, gawla-uk jawn ai shabrang mali tsa hprawng lawt wa lu ai hta kaga, langai mi mung n lawt lu nga masai.

Jinghpaw Hanson Version Bible

¹⁷ Dawi mung, nnan shana de kaw nna hpang shana de du hkra, shanhte hpe gasat mu ai rai nna, gawla-uk jawn ai shabrang mali tsa hprawng lawt lu ai hta kaga, langai mi muk n lawt hkra sat kau nna,

1 SAMUELA 30:17 ပူးပေါင်းရင်းမြစ်များ

2 SAMUELA 1:1

Shawlu si mat ai hpang, Dawi gaw Amalek masha ni hpe gasat dang nna bai nhtang wa let Ziklag mare e lahkawng ya wa nga nga wu ai.

2 SAMUELA 8:12

shi gasat dang da sai Edom, Moba, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, Hadadeza kaw na lu la ai lanep kau chyen ni hpe mung nawng ya wu ai.

2 HKAWHKAM 7:5

Dai rai nna nsin sin wa mahka, Suri dap de shanhte sa wa ma ai. Rai ti mung dai shara de shanhte shang wa yang, dai yang e kadai mung n nga nga masai.

1 HKAWHKAM LABAU 4:43

Dai yang e naw ngam nga ai Amalek masha ni hpe shanhte sat kau nhtawm dai ni du hkra dai yang e shanhte nga nga ma ai.

SHAKAWN KUNGDAWN 18:42

Ngai gaw shanhte hpe adup mani kau mawe ai, shing rai, shanhte gaw nbung e shapoi kau ai ga nhpu zawn tai mat ma ai. Nmaw lam ni a ntsa e taw ai hkumpup ni hpe zawn, ngai shanhte a ntsa e, kabye anut nga nngai.

YEREMIA 41:15

Rai ti mung, Ishmaela hte shi a manang marai matsat hte gaw Yohanan a lata na hprawng lawt mat wa ai hte Amon mung de shang mat wa ma ai.

TARA AGYI 4:16

Barak chyawm gaw dai leng ni hte hpyen masha ni hpe, maigan amyu ni a Haroshet shara de du hkra hkan shachyut ma ai rai nna, Sisera a hpyen masha ni nlang langai mi hpe mung n ngam hkra sat kau ai hkrum ma ai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

1 SAMUELA 11:11

Dai shana e, Shawlu gaw shi a masha ni hpe hpung masum garan nhtawm, jahpawt nhtoi htoi wa ai aten hta gumlau hpyen ni a dap de gat dumbri bang let Amon masha ni hpe htim gasat ma ai. Shanhte hpe shani chyingtung aten hta htau sat kau ma ai. Naw ngam nga ai ni mung tinang chye ai mi de hprawng bra mat ma ai.

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.