1 SAMUELA 30:16 - Jinghpaw Common Language Bible 2009

¹⁶ Shi mung Dawi hpe shanhte hpang de sa nna woi madun kau wu ai. Majan shang gasat ai ni gaw Hpilisti hte Yuda mung na shanhte rim la lu ai lanep arai sumpum kaba ni a majaw lu let, sha let, poi galaw nna dai shara ni hta pri rai jawng nga ma ai.

Jinghpaw Hanson Version Bible

¹⁶ Shing rai dai wa gaw shi hpe lam madun nna sa du yang, yu u, Hpilisti mung hte Yuda mung na magawn wa ai lanep rai ni nlang a majaw, Amalek masha ni lu let sha let, ka manau let, dai pa ting pri rai nga nga mala ai.

1 SAMUELA 30:16 ပူးပေါင်းရင်းမြစ်များ

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

1 HKAWHKAM LABAU 4:43

Dai yang e naw ngam nga ai Amalek masha ni hpe shanhte sat kau nhtawm dai ni du hkra dai yang e shanhte nga nga ma ai.

YOBA 20:5

n hkru ai masha ni kadai mung aten na na n kabu lu ma ai.

SHAKAWN KUNGDAWN 119:162

Na a ga sadi ni a majaw, ngai kade wa kabu gara nga a hka! Law la ai ja gumhpraw sut gan ni hpe mu tam ai wa zawn, kabu gara nga nngai.

PRU MAT 32:6

Hpang jahpawt manap jau jau aten hta shagu hkungga nat nawng na nga, shanhte gaw yam nga nkau mi la sa nhtawm kaga nkau mi gaw mahku hkungga shan sha ma ai. Amyu masha ni mung lusha poi de shang dung nhtawm lu pyaw sha pyaw ai hte ngang kayut nga ma ai.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 9:3

Madu e, nang gaw shanhte hpe kabu gara lam kaba jaw ya nit dai; nang gaw shanhte hpe kabu gara shangun nga nit dai. Shanhte gaw nang galaw dan sai amu a majaw, amyu masha ni nsi shu la lu ai shaloi hte shanhte sut gan lanep karan la lu ai shaloi kabu ai zawn kabu gara ma ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

TARA AGYI 8:11

Gidon chyawm gaw Noba hte Yibeha mare yan a sinpraw maga na nam mali shingnawm lam dingyang garet lung wa nhtawm n dum shami nga nga ai hpyen dap hpe shang gasat ma ai.

1 SAMUELA 30:14

Anhte gaw Yuda mung a dingda daw e nga ai Hkerehti lamu ga hte Hkaleb lakung lama ni a lamu ga ni hpe hpya jahten kau da nhtawm Ziklag mare hpe mung nat kau da ga ai,” ngu nna htan wu ai.

1 SAMUELA 30:15

Dawi gaw, “Ataw, dai shang hpya ai masha ni nga ai shara de nang ngai hpe lam woi madun lu na n ni?,” ngu nna shi hpe san wu ai. Shi chyawm gaw, “Nang ngai hpe n sat kau, nye a madu a lata de ngai hpe n ap kau na lam, Karai Kasang a mying ningsang hta ngai hpe ga sadi jaw n yang gaw ngai lam madun na de ai,” ngu nna htan wu ai.