1 SAMUELA 30:14 - Jinghpaw Common Language Bible 2009

¹⁴ Anhte gaw Yuda mung a dingda daw e nga ai Hkerehti lamu ga hte Hkaleb lakung lama ni a lamu ga ni hpe hpya jahten kau da nhtawm Ziklag mare hpe mung nat kau da ga ai,” ngu nna htan wu ai.

Jinghpaw Hanson Version Bible

¹⁴ Anhte gaw, Hkerehti mung na dingda maga mung, Yuda mung hte seng ai lamu ga hte Hkaleb mung na dingda maga de gasat nna, Zekla mare hpe nat kau da mu ai,” ngu nan tsun dan wu ai.

1 SAMUELA 30:14 ပူးပေါင်းရင်းမြစ်များ

2 SAMUELA 8:18

Yehoiada a kasha Benaia gaw Dawi a hkum hpe makawp maga ai hpareng wa rai nga ai; Dawi a shadang sha ni mung hkinjawng ni rai ma ai.

1 HKAWHKAM 1:38

Dai rai nna, Zadok, Nahtan Benaia hte hkawhkam wang sin ai sin langa ni gaw Shawlumon hpe hkawhkam Dawi a lawze hta shajawn nhtawm shi hpe hkan sin let Gihon hka hpawk de woi yu wa ma ai.

1 HKAWHKAM 1:44

Dawi gaw Zadok, Nahtan, Benaia hte hkawhkam wang sin ai sin langa ni hpe shangun dat nhtawm shanhte gaw hkawhkam wa a lawze hta shi hpe shajawn mu ai.

1 HKAWHKAM LABAU 18:17

Yehoiada a kasha Benaia gaw Dawi a hkum hpe makawp maga ya ai hpareng wa rai nga ai. Hkawhkam Dawi a shadang sha ni gaw hkawhkam wa a hkringmang kaba ni rai ma ai.

EZEKELA 25:16

Dai rai nna, ngai gaw Hpilisti masha ni hpe htim gasat nna shamyit kau na nngai, ngu tsun ndau nga nngai. Ngai gaw Hpilisti pa layang hkan e naw hti ngam nga ai masha shagu hte hpe mung jahten shaza kau na we ai.

ZEHPANI 2:5

Panglai hkin-gau mayan hku nga ai Hpilisti masha ni e, nanhte gaw dingnye hkrum nga myit dai. Dai Madu gaw nanhte hpe ari jaw na matu daw dan nu ai. Shi gaw nanhte hpe jahten kau na ra ai, nanhte kadai mung ngam nga lu na n rai.

YAWSHU 14:13

Yawshu gaw Yehpuna a kasha Hkaleb hpe shaman ya nhtawm shi a sali ga matu Hebron mare hpe jaw ya wu ai.

YAWSHU 15:13

Dai Madu gaw Yawshu hpe hkang da nu ai hte maren, Yuda a lamu ga daw mi hpe Yuda amyu bawsang hta na Yehpuna a kasha Hkaleb hpe jaw wu ai. Shi gaw Anak a kawa Arba madu ai Hebron mare hpe la wu ai.

YAWSHU 21:12

Rai tim, dai mare a yi sun hkauna ni hte de a kahtawng ni chyawm gaw Yehpuna a kasha Hkaleb hpe sali ga hku jaw kau manu ai.

1 SAMUELA 30:1

Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,

1 SAMUELA 30:13

Dawi gaw shi hpe, “Na a madu kadai rai ta? Nang gara shara kaw nna sa wa n ta?,” ngu nna hkap san wu ai. Shi gaw, “Ngai gaw Amalek wa a mayam ngu na Egutu masha rai nga nngai. Ngai hta machyi makaw hkrum hkra ai majaw, nye a madu mung ngai hpe lai sai masum ya kaw nna tawn kau da nga sai.

1 SAMUELA 30:15

Dawi gaw, “Ataw, dai shang hpya ai masha ni nga ai shara de nang ngai hpe lam woi madun lu na n ni?,” ngu nna shi hpe san wu ai. Shi chyawm gaw, “Nang ngai hpe n sat kau, nye a madu a lata de ngai hpe n ap kau na lam, Karai Kasang a mying ningsang hta ngai hpe ga sadi jaw n yang gaw ngai lam madun na de ai,” ngu nna htan wu ai.

1 SAMUELA 30:16

Shi mung Dawi hpe shanhte hpang de sa nna woi madun kau wu ai. Majan shang gasat ai ni gaw Hpilisti hte Yuda mung na shanhte rim la lu ai lanep arai sumpum kaba ni a majaw lu let, sha let, poi galaw nna dai shara ni hta pri rai jawng nga ma ai.