1 SAMUELA 30:12 - Jinghpaw Common Language Bible 2009

¹² maihpang si jahkraw loi mi, sabyi si sumbaw lahkawng mung jaw ma ai. Shi sha ngut jang, n-gun bai rawng wa nga lu ai; shi gaw masum ya tup hpa mung n lu n sha ai sha, nga shalai kau nga ai.

Jinghpaw Hanson Version Bible

¹² maihpang si pa mi, tsabyi si sumbaw lahkawng mung, jaw mu ai: dai wa mung sha ngut jang n-gun bai rawng lu ai: kaning rai nme law, shi gaw masum ya tup muk mung n sha, ntsin mung n lu ai sha kawsi hpang kara nga ai.

1 SAMUELA 30:12 ပူးပေါင်းရင်းမြစ်များ

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

YONA 1:17

Dai Madu hkang da ai ga hte maren, nga kaba langai gaw Yona hpe mayu kau ai rai nna shi gaw nga kan kata hta masum ya masum na rawng nga ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

TARA AGYI 15:19

Dai hpang Karai Kasang gaw Lehi shara dai yang na lamu ga hta nhkun langai hpaw ya nhtawm dai kaw na hka pru nga ai. Samson mung dai ntsin lu nna nsa awai la lu ai hte n-gun ja hpang wa wu ai. Dai re ai majaw hka hpawk dai hpe Hakore ngu nna shamying da ma ai. Dai gaw Lehi mare hta naw nga nga ai.

1 SAMUELA 14:27

Rai ti mung, masha ni hpe shi a kawa tsun jahkrit da ai dagam dala ga hpe Yonahtan n na kau wu ai majaw, shi lang ai shingna hpe ladawn nna gitpa kata de achyaw bang dat nhtawm lagat ntsin loi mi hpe sha wu ai. Shaloi shi lang lata n-gun awai la lu wu ai.

1 SAMUELA 30:11

Dawi a masha ni Egutu lasha langai mi hpe bum ga e hkrum ai rai nna Dawi hpang de woi wa ya ma ai. Shanhte gaw lusha loi mi hte ntsin shi hpe jaw ma ai;

1 SAMUELA 30:13

Dawi gaw shi hpe, “Na a madu kadai rai ta? Nang gara shara kaw nna sa wa n ta?,” ngu nna hkap san wu ai. Shi gaw, “Ngai gaw Amalek wa a mayam ngu na Egutu masha rai nga nngai. Ngai hta machyi makaw hkrum hkra ai majaw, nye a madu mung ngai hpe lai sai masum ya kaw nna tawn kau da nga sai.