1 SAMUELA 30:1 - Jinghpaw Common Language Bible 2009

¹ Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,

Jinghpaw Hanson Version Bible

¹ Ya masum ya lai nna, Dawi hte shi a masha ni gaw Zekla mare de du wa yu yang, Amalek masha ni gaw, Dingda mung hte Zekla mare hpe gasat nna, Zekla mare hpe hpya la nhtawm nat kau da manu ai:

1 SAMUELA 30:1 ပူးပေါင်းရင်းမြစ်များ

NINGPAWT NINGHPANG 24:62

Isak gaw, “Ngai Hpe Mu Ai Asak Hkrung Ai Wa A Hka Htung” nga ai nam mali kata de sa wa nhtawm Hkanan mung a dingda daw de nga nga wu ai.

2 SAMUELA 1:1

Shawlu si mat ai hpang, Dawi gaw Amalek masha ni hpe gasat dang nna bai nhtang wa let Ziklag mare e lahkawng ya wa nga nga wu ai.

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 1:8

Shi gaw ngai hpe nang kadai rai nga n ta?, ngu nna san wu ai; ngai gaw Amalek masha rai nga nngai, ngu nna htan we ai.

2 SAMUELA 15:18

Hkawhkam wang na sin langa wa shi a man e lai hkawm nga yang, shi a du salang ni yawng mung shi a makau e tsap nang nga ma ai. Shi kaw hkan nang nga ai Gat mare na hpyenla kru tsa hte mung hkawm lai mat wa ma ai;

1 HKAWHKAM LABAU 12:21

Shanhte gaw laklai ai share hpyenla ni rai nga ma ai majaw, Dawi a hpyen hpung ni hpe shanhte shang gasat karum ma ai. Dai hpang shanhte gaw Israela hpyen hpung kata na du ni rai nga masai.

1 HKAWHKAM LABAU 12:22

Dawi a hpyen hpung ni de, ganoi shani shagu ngu na daram masha nnan ni ru bang nga ma ai majaw shi a hpyen hpung gaw kade n na yang grai kaba wa nga ai.

YEREMIA 41:12

Dai rai nna, shanhte gaw shanhte a masha ni hte shi a hpang hkan shachyut nang ma yang, Gibeon mare na hka lawng kaba makau e hkan dep nang ma ai.

YAWSHU 11:6

Dai Madu gaw Yawshu hpe, “Shanhte hpe hkum hkrit et. Hpawt ni ndai ahkying hta Israela a matu shanhte yawng hpe ngai sat kau na we ai. Nang mung shanhte a gumra lahkap dan kau nna, leng ni nat kau na rai ndai,” ngu nna tsun wu ai.

YAWSHU 15:31

Ziklag, Madmana, Sansana,

1 SAMUELA 15:7

Shawlu gaw Amalek masha ni hpe, Hawila kaw nna Egutu mung a sinpraw maga de nga ai Shura mare dingyang gasat ai hte dang kau wu ai;

1 SAMUELA 15:8

shi gaw Amalek hkawhkam Agag hpe chyahkrung rim la lu wu ai; shi a masha ni yawng hpe chyawm gaw sat sharu kau ma ai.

1 SAMUELA 27:6

Dai rai nna Ahkisha mung shi hpe Ziklag mare jaw wu ai. Dai lam a majaw Ziklag mare hpe dai ni du hkra Yuda hkawhkam ni madu da nga ma ai.

1 SAMUELA 29:10

Dai re ai majaw, Dawi e, hpawt de gaw Shawlu hta naw ngam nga ai nanhte a masha yawng hte ngai kaw sa du nga sai ni jahpawt jau jau rawt nhtawm nhtoi htoi ai hte rau nhtang mat wa masu,” ngu nna nhtang tsun wu ai.

1 SAMUELA 29:11

Dai rai nna Dawi hte shi a masha ni mung hpang jahpawt jau jau rawt nna Hpilisti mung de nhtang mat wa ma ai; Hpilisti masha ni chyawm gaw Yezrela shara de matut hkawm mat wa ma ai.

1 SAMUELA 29:4

Rai ti mung Hpilisti up hkang du ni mahtang Ahkisha hpe pawt mu ai hte shi hpe, “Nang shi hpe jaw tawn da ai mare de shi hpe bai wa sa kau sanu; anhte hte rau majan pa de hkum hkan nang shangun et; majan gasat nga ai laman, shi mahtang anhte hpe nhtang tai na rai wu ai. Anhte a masha ni si mat jang sha, shi madu a myi man shapa ya lu nga ai hta kaga grau kaja ai lam shi a matu hpa naw nga nga a ni?

1 SAMUELA 30:14

Anhte gaw Yuda mung a dingda daw e nga ai Hkerehti lamu ga hte Hkaleb lakung lama ni a lamu ga ni hpe hpya jahten kau da nhtawm Ziklag mare hpe mung nat kau da ga ai,” ngu nna htan wu ai.