1 SAMUELA 3:9 - Jinghpaw Common Language Bible 2009

⁹ shi gaw ma hpe, “Yup ra de nhtang wa su; shi nang hpe bai shaga yang, ‘Madu e, tsun rit, na a shangun ma wa madat nga nngai,’” ngu nna tsun u, ngu wu ai. Dai rai nna Samuela mung yup ra de shang mat wa wu ai.

Jinghpaw Hanson Version Bible

⁹ Dai re ai majaw Eli gaw Samuela hpe, “Naw wa yup nga su; ya na lang bai shaga jang, Yehowa e, tsun rit, na mayam madat nga nngai, ngu nna htan u,” ngu dat wu ai. Shing rai Samuela bai wa nna, shi a shara e yup nga ai.

1 SAMUELA 3:9 ပူးပေါင်းရင်းမြစ်များ

SHAKAWN KUNGDAWN 85:8

Madu Karai Kasang tsun nga ai ga hpe ngai madat nga nngai; anhte gaw angawk angak re ai lam ni de n kayin sa mat wa ai rai yang, shi a amyu masha ni rai nga ai anhte hpe ngwi pyaw sim sa ai lam jaw ya na shi ga sadi tawn da nga ai.

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

PRU MAT 20:19

Shanhte gaw Mawshe hpe, “Nang anhte hpe tsun ai rai yang chyawm gaw anhte madat na ga ai; rai ti mung, Karai Kasang anhte hpe tsun ai rai yang, anhte hkrit ga ai, anhte si mat na ga ai,” ngu nna tsun ma ai.

ESAIA 6:8

Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

Daniela 10:19

Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.

YAWSHU 5:14

Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai. Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.

1 SAMUELA 3:10

Dai Madu gaw sa nna dai yang e tsap let shawng na zawn, “Samuela! Samuela!,” ngu nna shaga wu ai. Samuela mung, “Tsun rit, na a shangun ma wa madat nga nngai,” ngu nna htan wu ai.

1 SAMUELA 3:8

Dai Madu mung masum lang ngu na Samuela hpe shaga wu ai. Shaloi shi rawt let Eli hpang de sa nna, “Nang ngai hpe shaga ndai, ndai yang e ngai nga nga nngai,” ngu nna tsun wu ai. Dai hpang, Eli gaw ma hpe shaga nga ai wa gaw dai Madu rai nga ai hpe dum chye wa wu ai rai nna;