1 SAMUELA 3:2 - Jinghpaw Common Language Bible 2009

² Lana mi na aten hta, ganoi noi myi n mu wa sai Eli gaw shi a gawk hta yup nga ai;

Jinghpaw Hanson Version Bible

² Kalang mi na Eli gaw shi a shara e yup nga nna, shi a myi amam mat ai majaw n mu lu ai shaloi e,

1 SAMUELA 3:2 ပူးပေါင်းရင်းမြစ်များ

NINGPAWT NINGHPANG 27:1

Ya, Isak dingla wa nna myi amam wa wu ai majaw myi n mu lu nu ai. Shi a shadang sha kaba Esaw hpe shaga la nhtawm, “Ngai sha e,” ngu nna tsun wu ai. Shi mung, “Rai sa, nang e nga nga nngai,” ngu nna htan wu ai.

NINGPAWT NINGHPANG 48:10

Yaku gaw asak kaba nu ai majaw myi amam nna, atsawm sha n mu lu wu ai. Yosep mahtang ma yan hpe shi hpang de woi sa ya ai majaw shi shan hpe ahpum let pup wu ai.

NINGPAWT NINGHPANG 48:19

Shi a kawa chyawm gaw n hkraw ai hte, “Ngai chye nngai, ngai sha e, ngai chye nngai; Manashe amyu matu ni mung galu kaba ai amyu ni tai na mara ai. Rai ti mung, shi a kanau wa mahtang shi hta grau kaba na ra ai rai nna shi a amyu matu ni amyu baw law law tai wa na mara ai,” ngu nna tsun wu ai.

1 HKAWHKAM 14:4

Dai rai nna madu jan gaw Shilo mare e nga ai Ahiya a nta de sa wa wu ai. Ahiya gaw asak kaba nna myi amam ai hte n mu lu nga ai.

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

HPAJI NINGLI 12:3

Nang hpe makawp maga da ai na a lata lahpum ni gari ashun wa nna, n-gun ja ai na a lagaw ni n-gun kya mat wa na ra ai. Lusha maya sha na, na a awa ni run mat na ra ai; na a myi mung nau wa amam mat nna asan sha n mu lu na ra ai.

1 SAMUELA 2:22

Ya, Eli asak grai kaba ai hte ugut gu sayang she, shi a kasha yan Israela masha ni hpe galaw ai lam magup hte a lam hpe mung, dai Madu a hpung shingkang shanu nga ai Sum de shang wa ai chyinghka lam e amu galaw ai numsha ni hte pyi rau yup nga ma ai lam hpe mung na wu ai.

1 SAMUELA 4:15

(Dai shaloi Eli gaw asak jahku shi matsat ning du sai rai nna, ganoi noi myi n mu hkyen nga nu ai.)