1 SAMUELA 3:19 - Jinghpaw Common Language Bible 2009

¹⁹ Samuela kaba wa sai rai nna, dai Madu gaw shi hte rau rai nga ai; Samuela tsun ai lam teng nga ai rai nna lam magup hpe galaw ya wu ai.

Jinghpaw Hanson Version Bible

¹⁹ Samuela chyawm gaw kaba wa nna, Yehowa shi hte rau rai nga ai; shi a ga langai mi muk, ga jahkrat ya wu ai n rai.

1 SAMUELA 3:19 ပူးပေါင်းရင်းမြစ်များ

NINGPAWT NINGHPANG 21:22

Dai aten hte yang, Abimelek gaw shi a hpyen du Hpikola hte rau sa nna Abraham hpe, “Nang galaw ai lam shagu hta Karai Kasang nang hte rau nga nga ai.

NINGPAWT NINGHPANG 28:15

Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,” ngu nna tsun wu ai.

NINGPAWT NINGHPANG 39:2

Dai Madu gaw Yosep hte rau nga nga ai rai nna shi hpe awng dang shangun wu ai.

NINGPAWT NINGHPANG 39:3

Yosep gaw Egutu masha shi a madu a nta hta nga wu ai. Shi galaw ai lam shagu mung shi hpe awng dang shangun ai dai Madu gaw Yosep hte rau nga nga ai hpe mu wu ai.

1 HKAWHKAM 8:56

“Shi ga sadi tawn da nga ai hte maren shi a amyu masha ni hpe ngwi pyaw sim sa lam jaw ya ai dai Madu hpe shakawn mu law. Shi a shangun ma Mawshe hku nna jaw da sai kaga ga sadi ni yawng hpe shi shatup nga ai.

2 HKAWHKAM 10:10

Ndai gaw Ahab amyu matu ni hte seng nna dai Madu tsun da nu ai lam magup gaw teng wa nga sai sakse ni rai nga ai. Myihtoi Elia a ga hku shi tawn da sai ga sadi hte maren dai Madu galaw nga nu ai.

2 HKAWHKAM 15:12

Dai rai nna ning rai byin ai lam gaw, “Dai Madu gaw na a amyu matu mara ni prat mali du hkra Israela a hkawhkam ni tai na mara ai,” ngu nna Hkawhkam Yehu hpe jaw tawn da ai ga sadi dik wa ai lam rai nga ai.

2 HKAWHKAM 22:16

ning nga nna tsun ai lam wa tsun dan na matu shanhte hpe tsun wu ai: “Laika hta ka da sai hpe hkawhkam wa hti yu nu ai hte maren, Yerusalem mare hte dai hta nga ai amyu masha ni yawng hpe ngai ari jaw na we ai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

ESAIA 55:11

Dai hte maren, ngai tsun ai mungga mung dai hte maren tai na ra ai- de a matu ngai shatawng shada ai amu galaw na lam hprai mat na n rai; dai gaw ngai shangun ai amu magup shagu hpe shadik ya na ra ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

LUKA 1:28

Lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai rai nna shaman chyeju kaba nang hpe jaw nit dai,” ngu wu ai.

LUKA 1:80

Dai ma gaw gawng shingyan kaba wa nna wenyi atsam hpring let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:40

Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

TARA JAHPRANG 18:22

Dai Madu a mying ningsang hte myihtoi wa tsun nga ti mung shi tsun ai ga n teng nga ai rai yang, dai gaw dai Madu a mungga n rai nga ai. Dai myihtoi wa mahtang shi a ahkang aya hte tsun ai rai ti mung shi hpe hkrit lu na myit dai n rai.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

YAWSHU 21:45

Israela amyu masha ni hte shi tawn da ai ga sadi shagu hpe dai Madu galaw shatup nu ai.

TARA AGYI 13:24

Dai numsha mung shadang sha shangai ai rai nna, shi hpe Samson ngu nna shamying wu ai. Dai ma mung kaba wa ai hte dai Madu shi hpe shaman ya wu ai.

1 SAMUELA 10:7

Ndai amu ni byin jang, Karai Kasang nang hpe woi galaw ai lam hpa mi rai tim hkan galaw nga u.

1 SAMUELA 12:2

ya chyawm gaw nanhte hpe woi awn na matu shi hpe lu la manit dai. Ngai chyawm gaw asak kaba nna baw hpraw ni ai; nye a kasha ni mung nanhte hte rau rai ma ai. Nye a ram prat kaw nna ya du hkra ngai nanhte a ningbaw tai ya nga nngai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 18:12

Shawlu hpe kau tawn da sai dai Madu gaw Dawi hte rau nga nga ai majaw Shawlu shi hpe hkrit wu ai.

1 SAMUELA 18:14

dai Madu shi hte rau nga nga ai majaw shi galaw ai amu yawng mayawng awng dang nga ai.

1 SAMUELA 18:5

Dawi mung Shawlu shi hpe shangun ai lam shagu hta awng dang nga ai majaw Shawlu a hpyen dap hta shi hpe hpyen du shatai da nga ai. Dai lam a majaw Shawlu a du salang ni yawng hte shi a masha ni yu ra sharawng nga ma ai.

1 SAMUELA 2:21

Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.

1 SAMUELA 2:26

Dai ma Samuela chyawm gaw matut kaba wa nna dai Madu a man e mung, masha a man e mung myi man pa nga ai.

1 SAMUELA 9:6

Shaloi shangun ma wa gaw, “Naw la yu ga! Ndai mare e shi tsun matsun teng wa wa re ai majaw, grai hkungga ging nna chyoi pra ai masha langai mi nga ai. An shi kaw sa yu ga, an lawze mu tam la lu na shara, an hpe mahkoi tsun dan lu na a dawng!,” ngu nna htan wu ai.