1 SAMUELA 3:17 - Jinghpaw Common Language Bible 2009

¹⁷ Eli mahtang, “Dai Madu nang hpe hpa lam tsun a ta? Ngai hpe tsun dan na hpa mung hkum ip da et. Shi tsun matsun nang ngai hpe n tsun dan ai rai yang, Karai Kasang nang hpe laja lana re ai ari jaw na ra ai,” ngu nna san wu ai.

Jinghpaw Hanson Version Bible

¹⁷ Bai Eli gaw, “Nang hpe hpa lam sun a ta? ngai e hkum ip da et; Karai Kasang nang hpe tsun matsun hta na lama ma ip da n yang gaw, shi tsun ai hta n-ga nang hpe di u ga,” ngu wu ai.

1 SAMUELA 3:17 ပူးပေါင်းရင်းမြစ်များ

2 SAMUELA 14:18

Hkawhkam wa gaw, “Ngai nang hpe ga san langai mi naw san yu de ga, dai teng man ai lam mahkra ngai hpe tsun dan lu na rai ndai,” ngu nna htan wu ai. Numsha mung, “Madu hkawhkam wa e, san mayu ai lam hpa mung ngai hpe san e,” ngu nna htan wu ai.

2 SAMUELA 19:13

Dawi gaw Amasa hpe mung sa tsun dan na matu shan hpe, “Nang gaw nye a amyu hpu nau wa rai nga ndai. Dai re ai majaw ya kaw nna Yoab a shara hta hpyen luksuk a du aya hta ngai nang hpe tawn da nga nngai. Dai hku ngai n shatai lu ai rai yang mung, Karai Kasang gaw ngai hpe si hkra adup nu ga law!,” ngu nna tsun dat wu ai.

2 SAMUELA 3:35

Amyu masha ni gaw Dawi hpe lama ma sha na matu, shani tup shagwi shakut ma ai, rai ti mung shi gaw, “Jan garai n shang yang, lama ma ngai sha kau hkrup ai rai yang, Karai Kasang ngai hpe adup sat kau u ga!,” ngu nna dagam shaka wu ai.

2 SAMUELA 3:9

Dawi gaw Shawlu hte shi a amyu matu mara ni a lata na mungdan hpe la kau nhtawm mungdan htum ai shara mi kaw nna maga mi de hkren dam ai Israela hte Yuda mungdan lahkawng yan a hkawhkam tai shangun na lam, dai Madu Dawi hpe ga sadi jaw tawn nu ai. Ya chyawm gaw ndai lam teng wa hkra n shabyin taw gaw, Karai Kasang ngai hpe adup sat kau nu ga law!,” ngu nna jahtau tsun wu ai.

1 HKAWHKAM 22:16

Rai ti mung Ahab gaw, “Dai Madu a mying ningsang hte nang ngai hpe ga shaga ndai shaloi teng man ai ga hpe tsun u! Dai lam ngai nang hpe gade lang tsun shadum ra na rai ta?,” ngu nna tsun htang wu ai.

2 HKAWHKAM 6:31

Shi gaw, “Elisha a baw hpe dai ni n lu daw kau ya ai rai yang, Karai Kasang ngai hpe si hkra adup nu ga law!,” ngu nna tsun wu ai.

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

YEREMIA 38:14

Aten langai mi hta, Hkawhkam Zedekia gaw Nawku Htingnu de sa ai masum ngu na chyinghka de ngai hpe woi mat wa nhtawm, “Ngai nang hpe ga san langai san yu na nngai, ngai hpe teng man ai lam yawng tsun dan na matu nang hpe ra nga nngai,” ngu nna tsun wu ai.

YEREMIA 42:4

Ngai gaw, “Shing rai jang gaw grai kaja sai law. Nanhte ngai kaw hpyi lajin manit dai hte maren, dai Madu anhte a Karai Kasang kaw ngai akyu hpyi na we ai. Shi tsun ai lam magup hte hpe mung ngai nanhte hpe tsun dan na we ai. Ngai gaw nanhte kaw na hpa mung makoi magap da na nngai n rai,” ngu nna htan nngai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

MIHKA 2:7

Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

BU HKAWM 23:17

Dai rai nna shi bai nhtang wa yang, Balak gaw Moba ningbaw ni yawng hte rau shi nawng jau ai wan nat hkungga makau e naw tsap nga ma ai hpe wa mu wu ai. Balak gaw dai Madu kaning nga tsun ai lam hkap san wu ai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

RUHTA 1:17

Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.

1 SAMUELA 14:44

Shawlu gaw shi hpe, “Nang sat kau ai n hkrum na rai yang gaw Karai Kasang ngai hpe si hkra adup u ga!,” ngu nna tsun wu ai.

1 SAMUELA 20:13

Shi nang hpe machyi hkra shangun mayu ai hku myit tawn ai rai yang mung, dai lam a majaw ngai nang hpe n chye shangun ai hte shim ai hku n hprawng shangun lu ai rai yang, dai Madu ngai hpe si hkra adup u ga law. Dai Madu gaw nye wa hte rau nga yu nu ai zawn nang hte mung rau anga nga u ga law!

1 SAMUELA 25:22

Jahpawt de garai n du rau yang, ndai masha ni hpe ngai n sat kau ai sha ngam da hkrup ai rai yang, Karai Kasang mahtang ngai hpe adup nu ga,” ngu nna myit sumru yu wu ai.

1 SAMUELA 3:16

Eli gaw shi hpe, “Ngai sha, Samuela e!,” ngu nna shaga wu ai. Samuela mung, “Rai sa, Madu e,” ngu nna htan wu ai.