1 SAMUELA 3:13 - Jinghpaw Common Language Bible 2009

¹³ Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.

Jinghpaw Hanson Version Bible

¹³ Kaning rai nme law, dai wa a kasha ni tinang hkum shayuk ai du hkra, tinang a n shawp ai yubak mu chye ninglen, shan hpe n hkum kau ai majaw, shi a nta masha ni hta ngai tut tut ari jaw na, ngu nna ngai tsun se ai.

1 SAMUELA 3:13 ပူးပေါင်းရင်းမြစ်များ

1 HKAWHKAM 2:44

Nye a kawa Dawi hpe nang galaw nit dai shut hpyit amu yawng mayawng a lam hpe nang atsawm sha chye nga ndai. Dai amu a majaw dai Madu gaw nang hpe ari jaw na ra ai.

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

GA SHAGAWP 19:18

Shanhte gaw sharin la na prat naw ram nga ai aten hta, na a nsha ni hpe hkang sharin u; nang dai lam hpe n hkan galaw ai rai yang shanhte hpe hten byak shangun na ndai.

GA SHAGAWP 29:15

Shading sharai ai hte hkan sa ai tara ni gaw ma ni a matu, mai kaja nga ai. Ma gaw tinang a myit machyu nga ai rai yang, shi a kanu shi hpe kaya kau na hku shi galaw nu ai.

HPAJI NINGLI 7:22

nang nan masha kaga ni hpe law law lang jahpoi asawng kau nit dai hpe nang nan bai chye lu na rin dai.

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

EZEKELA 7:3

“Israela e, jahtum ai gaw du nit dai. Nang galaw dan sai amu hte maren ngai nang hpe tara jeyang nga nngai majaw nang gaw nye a sindawng kahtet ai hpe hkam sha na rai ndai. Ngai gaw nang galaw ai matsat shabat amu yawng a matu nang hpe htang jaw na nngai.

YOELA 3:12

“Masha amyu baw ni gaw Tara Jeyang ai Kadit de sa na jin jin rai nga lu na rai ma ai. Dai yang e, dai Madu ngai nan grup yin masha amyu baw ni yawng hpe tara jeyang na matu dung nga na nngai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 21:18

“Kanu kawa e ari jaw nna sharin achyin ti mung n madat n mara ai hte myit shaja nna gumlau chye ai shadang sha lu ai rai yang,

1 YAWHAN 3:20

Anhte a htauli htaula myit gaw anhte hpe jahpoi asawng kau ai hkrum ga yang gaw, Karai Kasang gaw anhte a htauli htaula myit hta grau kaba nga ai lam anhte chye ga ai hta n ga, shi gaw nga manga hpe chye chyang ai wa rai nga ai hpe mung anhte chye ga ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,

1 SAMUELA 2:17

Eli a kasha yan mahtang dai Madu hpe nawng jau ai hkungga ni hpe dai zawn n shagrau hkungga ma ai majaw, shan a yubak gaw dai Madu a man e grai kaba nga malu ai.