1 SAMUELA 3:12 - Jinghpaw Common Language Bible 2009

¹² Dai shani e, Eli a dinghku hpe ninghkap na matu, ngai jahkrit shama ai lam yawng nnan hpang ai kaw nna ngut kre ai aten du hkra ngai shapraw dan na we ai.

Jinghpaw Hanson Version Bible

¹² Dai shani e, Eli nta masha ni hpe ngai te nna tsun matsun hte maren, npawt nna ndung hkren ngai shapraw na we ai.

1 SAMUELA 3:12 ပူးပေါင်းရင်းမြစ်များ

EZEKELA 21:5

Masha shagu hte gaw dai Madu ngai nan nye a nhtu shaw sai hte dai hpe nhtu n-ga de bai bang kau na n rai nga ai hpe chye wa na mara ai.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

LUKA 21:33

Sumsing lamu hte ginding aga lai mat wa na ra ai, rai ti mung, nye a ga ni gaw n lai mat na li ai.

YAWSHU 23:15

Rai ti mung, nanhte hpe tsun dan sai ga sadi shagu hpe shi shadik shatup ya nu ai zawn hkrit hpa ari hkum sumhpa hpe mung shi shapraw na ra ai.

TARA AGYI 4:24

Shanhte gaw shi hpe shamyit kau lu ai aten du hkra shi hpe grau grau jat nna gasat ma ai.

1 SAMUELA 4:11

Karai Kasang a Ga Shaka Sumpu mung la kau ya hkrum ai hte Eli a kasha Hopni yan Hpineha shan lahkawng sat kau hkrum ma ai.

1 SAMUELA 4:17

Kasa wa gaw, “Israela gaw Hpilisti masha ni kaw na kagat hprawng mat masai; dai gaw anhte a matu hkrit hpa sum kaba rai nga mali ai! Dai sha n-ga, na a kasha Hopni hte Hpineha yan mung sat kau hkrum nga masai; Karai Kasang a Ga Shaka Sumpu mung rim la kau hkrum nga sai!,” ngu nna htan wu ai.

1 SAMUELA 4:21

Shi gaw ma dai hpe Ihkabu ngu nna shamying da wu ai: dai gaw, “Karai Kasang a hpung shingkang Israela kaw na pru mat wa sai,” ngu ai hpe tsun shaleng ai rai nga ai. Ga Shaka Sumpu rim la kau hkrum ai mung, shi a kagu hte madu wa si mat wa ai hte mung lakap nga ai.

1 SAMUELA 4:22

Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.